સૂર્યકુમાર યાદવે હોંગકોંગ સામે 26 બોલમાં 68 રન બનાવ્યા
પાકિસ્તાની પત્રકારે રોહિત શર્મા સાથે ઓપનીંગ કરવાનો પૂછ્યો સવાલ
સવાલ સાંભળીને સૂર્યકુમાર હસવા લાગ્યા
સૂર્યકુમાર યાદવે હોંગકોંગ સામે 26 બોલમાં 68 રન બનાવ્યા
ટીમ ઇન્ડીયાના ધુરંધર બેટ્સમેન સૂર્ય્કુમાર યાદવ શાનદાર ફોર્મમાં છે. તેમણે એશિયા કપ 2022નાં મુકાબલામાં હોંગકોંગ સામે તોફાની અંદાજમાં બેટિંગ કરી બતાવી હતી. સૂર્યકુમારે દુબઈમાં 26 બોલમાં 6 છગ્ગા અને 68 રન બનાવ્યા હતા. મેન ઓફ ધ મેચ પસંદ થયેલા સૂર્ય્કુમારને એક પાકિસ્તાની પત્રકારે એવો સવાલ પૂછ્યો, જે સાંભળીને તેઓ હસવા લાગ્યા. હવે આ વીડીયો ઘણો વાયરલ થઇ રહ્યો છે. રોહિત શર્માની કપ્તાનીમાં ટીમ ઇન્ડીયાએ એશિયા કપમાં પોતાના શરૂઆતનાં બંને મુકાબલાઓમાં જીત મેળવીને સુપર 4માં પોતાનું સ્થાન બનાવ્યું છે.
દુબઈમાં સૂર્યકુમાર અને વિરાટે ઘણા રન બનાવ્યા
સૂર્યકુમાર અને પૂર્વ કપ્તાન વિરાટ કોહલીએ હોંગકોંગ સામે મુકાબલામાં કમાલ કરી બતાવી અને ખૂબ જ રન બનાવ્યા. તેમણે 98 રનની ભાગીદારી કરી. વિરાટે 44 બોલ પર 1 ચોક્કો અને 3 છગ્ગાની મદદથી 59 રન બનાવ્યા. સૂર્યકુમારે 261થી વધારેની સ્ટ્રાઈક રેટથી બેટિંગ કરી. ભારતને 40 રનથી જીત અપાવ્યા બાદ સૂર્યકુમારને એક પાકિસ્તાની પત્રકારે સવાલ કર્યો જે સાંભળીને તેઓ પોતાનું હાસ્ય રોકી ન શક્યા. પત્રકારે પૂછ્યું કે રોહિતે કહ્યું હતું કે આ આખા એશિયા કપમાં તમે લોકો પ્રયોગ કરી રહ્યા છો. શું આ એ જ પ્રયોગનો ભાગ હશે કે તમે રોહિત સાથે ઓપનીંગ કરશો?
તો શું કેએલ રાહુલને તક ન આપવી જોઈએ?
સૂર્યકુમાર આ સાંભળીને હસવા લાગ્યા. તેમણે પછી કહ્યું કે તો તમે કહી રહ્યા છો કે કેએલ ભાઈને તક ન મળવી જોઈએ? તેઓ પણ વાપસી કરી રહ્યા છે. તેમને થોડો સમય જોઈએ છે. મેં તો કહ્યું હતું કે હું તો કોઈપણ નંબર પર બેટિંગ કરવા તૈયાર છું. કોચ, કપ્તાનને કહ્યું પણ છે કે કોઈપણ નંબર પર બેટિંગ કરીશ, બસ મને તક આપો. વસ્તુઓ આ જ પ્રકારે ચાલતી રહેશે. અમે ઘણી વસ્તુઓ પર કામ કરી રહ્યા છીએ. અમે નવું કરવા માંગીએ છીએ અને આ સારું રહેશે કે અમે પ્રેક્ટીસ દરમિયાન તે કરવા કરતા સીધી મેચમાં જ કરીએ.
ગયા વર્ષે જ સૂર્યકુમારે કર્યું હતું ડેબ્યૂ
14 સપ્ટેમ્બરનાં રોજ 32 વર્ષના થવા જઈ રહેલા સૂર્યકુમારે અત્યાર સુધી ભારત માટે 38 મેચ રમી છે. તેમણે 13 વન ડે મેચમાં બે હાફ સેન્ચુરીને કારણે 340 રન બનાવ્યા છે. આ ઉપરાંત તેઓ 1 સદીં અને 6 હાફ સેન્ચુરીની મદદથી કુલ 758 રન બનાવી ચુક્યા છે. ફર્સ્ટ ક્લાસ ક્રિકેટમાં તેમના નામે 5326 રન છે. તેઓ ઓફ સ્પિન બોલિંગ પણ કરી લે છે અને ફર્સ્ટ ક્લાસ કરિયરમાં 24 વિકેટ પણ લઇ ચુક્યા છે.