રોહિત શર્મા અને દિનેશ કાર્તિકનો હાલમાં જ એક વિડીયો વાયરલ થયો છે, જેના પર સૂર્યકુમાર યાદવે કહ્યું કે બંને વચ્ચે મજાક ચાલતી રહે છે.
ઓસ્ટ્રેલીયા સામે પહેલા ટી20 મુકાબલામાં ભારતને મળી હાર
દિનેશ કાર્તિક અને રોહિત શર્માનો વિડીયો થયો હતો વાયરલ
સૂર્યકુમાર યાદવે કહ્યું કે બંને મજાક કરતા હતા
ઓસ્ટ્રેલીયા સામે ભારતને મળી હાર
ભારતીય ટીમને ઓસ્ટ્રેલીયા સામે મોહાલીમાં પહેલા ટી20 મુકાબલામાં હારનો સામનો કરવો પડ્યો છે. આ મેચમાં ટીમ ઇન્ડિયા 208 રનનાં લક્ષ્યનો પણ બચાવ ન કરી શકી. ઓસ્ટ્રેલીયાe 19.4 ઓવરમાં 209 રન બનાવીને મેચ પોતાને નામ કરી લીધી. જ્યારે સોશિયલ મીડિયા પર રોહિત શર્મા અને દિનેશ કાર્તિક વચ્ચેની વાતચીતનો એક વિડીયો ખૂબ જ વાયરલ થઇ રહ્યો છે. જોકે વાસ્તવમાં તે બંને વચ્ચે શું વાતચીત થઇ રહી હતી, એ સ્પષ્ટ થયું નથી, પણ હવે સૂર્યકુમાર યાદવે આના પર નિવેદન આપ્યું છે.
વાયરલ વિડીયો પર સૂર્યકુમાર યાદવે કહી આ વાત
સૂર્યકુમાર યાદવે કહ્યું કે મોહાલી ટી20માં કેપ્ટન રોહિત શર્મા અને દિનેશ કાર્તિક વચ્ચે માત્ર એક મજાક થઇ હતી. સૂર્યકુમાર યાદવ અનુસાર, બંને ખેલાડી ઘણા લાંબા સમયથી એકસાથે રમી રહ્યા છે, તો આવામાં મજાક તો ચાલતી રહે છે. આ ખૂબ જ સામાન્ય છે. પહેલા ટી20 મેચ દરમિયાન કેપ્ટન રોહિત શર્મા અને દિનેશ કાર્તિકનો મજાકનો વિડીયો ખૂબ જ વાયરલ થઇ રહ્યો છે. આ વિડીયોમાં બંને ભારતીય ખેલાડી મજાક કરતા જોવા મળી રહ્યા છે.
એકસાથે રમવું છે, તો એકસાથે મજાક તો બને જ છે
નોંધનીય છે કે પહેલા ટી20 મેચ દરમિયાન દિનેશ કાર્તિકે ગ્લેન મેક્સવેલનો કેચ પકડ્યો, પણ તેમણે આઉટ માટે અપીલ કરી ન હતી. જ્યાર બાદ કેપ્ટન રોહિત શર્માએ દિનેશ કાર્તિકનું મજાકના અંદાજમાં ગળું પકડી લીધું. યાદવે આખા મામલા પર કહ્યું કે રહી વાત ડીઆરએસની તો ક્યારેક ક્યારેક પાછળ સુધી અવાજ નથી આવતો પણ લેફ્ટ રાઈટમાં સારો અવાજ આવે છે. તેમણે આગળ કહ્યું કે બંને ખેલાડીઓની એકબીજા સાથે મસ્તી મજાક ચાલતી જ રહે છે, આટલા વર્ષોથી બંને એકબીજાને ઓળખે છે, એકસાથે આટલું રમ્યા છે, તો આટલી મજાક તો બને જ છે.