ગજબ કે'વાય / મેચની શરૂઆત પહેલા જ સૂર્યાએ કરી દીધી હતી ભવિષ્યવાણી, અને છેલ્લે જે કહ્યું હતું એ જ થયું

• ટી20 સીરીઝનાં બુજા મુકાબલામાં ભારતની જીત 
• સૂર્યકુમાર યાદવે કરી હતી જીતની ભવિષ્યવાણી 
• વરસાદને કારણે 8-8 ઓવરની જ રાખવામાં આવી હતી મેચ 

ટી20 સીરીઝનાં બુજા મુકાબલામાં ભારતની જીત 

ભારતીય ટીમનાં સ્ટાર બેટ્સમેન સૂર્યકુમાર યાદવ ઘણા મહત્વનાં મુકાબલાઓમાં પોતાની પ્રતિભા સાબિત કરી ચુક્યા છે. તેમાંથી એક પ્રતિભા છે ભવિષ્ય જણાવવાની. આ પ્રતિભાની ઝલક તેમણે નાગપુરમાં ઓસ્ટ્રેલિયા સામે બીજી ટી20 મેચમાં આપી દીધી છે, જેવું તેમણે મેચ શરુ થતા પહેલા કહ્યું હતું એવું જ થયું. 

pic.twitter.com/bl9bK0iR3c

— Guess Karo (@KuchNahiUkhada) September 23, 2022

ઓસ્ટ્રેલિયા અને ભારત બરાબર 
નાગપુરમાં વરસાદને કારણે બીજી ટી20 મેચમાં ભારતીય ટીમે સારું પ્રદર્શન કર્યું અને છ  વિકેટથી જીત મેળવી. આ સાથે ત્રણ મેચોની સીરિઝ 1-1ની બરાબરી પર આવી ગઈ છે. સીરીઝની ત્રીજી અને નિર્ણાયક મેચ રવિવારે 25 સપ્ટેમ્બરનાં રોજ રમવામાં આવશે. આ મુકાબલામાં ઓસ્ટ્રેલીયાએ આઠ ઓવરમાં 5 વિકેટ પર 90 રન બનાવ્યા.  ત્યાર બાદ ભારતીય ટીમે 7.2 ઓવરમાં જ લક્ષ્ય પ્રાપ્ત કરી લીધું.  

મેચ પહેલા જ કરી હતી  ભવિષ્યવાણી 
સૂર્યકુમાર યાદવે આ મુકાબલામાં સારું પ્રદર્શન કર્યું ન હતું અને ખાતું ખોલ્યા વગર જ એડમ જ્મ્પાનો શિકાર બની ગયા હતા. જોકે, તેમને જીતનો ભરોસો હતો અને આ જ વાત તેમણે મેચ શરુ થતા પહેલા કહી દીધી હતી. મેચ પહેલા તેમને પૂછવામાં આવ્યું હતું કે તમે નંબર 1 ટી20 ટીમ સાથે છો અને હાલમાં 0-1થી સીરીઝમાં પાછળ છો. આજે શું લાગે છે તો મુંબઈના આ બેટ્સમેને જવાબ આપ્યો કે આજે રાત્રે 1-1. ત્યાર બાદ થોડી વારમાં તેમને કહેવામાં આવ્યું કે ફૂલ સ્ટોપ. તમારો જોશ જોઇને સારું લાગ્યું, મેચમાં સારું કરજો. 

વરસાદને કારણે આ મેચને 8-8 ઓવરની જ રાખવામાં આવી હતી. કેપ્ટન રોહિત શર્માએ તોફાની અંદાજમાં રમતા રમતા 46 રન બનાવ્યા. તેમણે 20 બોલ પર ચાર ચોક્કા અને ચાર સિક્સર ફટકારી. રોહિતને પ્લેયર ઓફ ધ મેચ પસંદ કરવામાં આવ્યા હતા. રોહિત અને કેએલ રાહુલે માત્ર 2.4 ઓવરમાં જ 39 રન ફટકારી દીધા. જોકે રાહુલનું યોગદાન આમાં 10 રનનું જ રહ્યું છે. અક્ષર પટેલે પણ મેચમાં બે વિકેટ લીધી હતી.