ભારતીય ક્રિકેટર સૂર્યકુમાર યાદવે પાકિસ્તાની ક્રિકેટર મોહમ્મદ રીઝવાનનો એક વર્ષમાં સૌથી વધારે સિક્સરનો રેકોર્ડ તોડ્યો છે.
ભારતે ટી20 સીરીઝની પહેલી જ મેચમાં સાઉથ આફ્રિકાને આપી માત
સૂર્યકુમારે તોડ્યો મોહમ્મદ રીઝવાનનો વર્ષમાં સૌથી વધારે સિકસરનો રેકોર્ડ
સૂર્યાએ બનાવ્યા હતા 33 બોલમાં 50 રન
ભારતીય ટીમે સાઉથ આફ્રિકા સામે પહેલી ટી20 મેચમાં જીત પ્રાપ્ત કરી છે. આ સાથે જ ટીમ ઇન્ડીયા સીરીઝમાં 1-0થી આગળ છે. ભારત તરફથી સૂર્યકુમાર યાદવ સૌથી મોટા મેચ વિનર તરીકે સામે આવ્યા છે. તેમને કારણે જ ટીમ ઇન્ડિયાને જીત મળી છે. સૂર્યકુમાર યાદવે સાઉથ આફ્રિકા સામે બે મોટા રેકોર્ડ બનાવ્યા છે. તેમણે ધવન અને મોહમ્મદ રીઝવાનને પછાડ્યા છે.
સૂર્યકુમાર યાદવે કરી કમાલ
સૂર્યકુમાર યાદવે સાઉથ આફ્રિકા સામે 33 બોલમાં 50 રન બનાવ્યા છે, જેમાં 5 ચોક્કા અને ત્રણ લાંબી સિક્સર પણ સામેલ છે. એક સમયે ટીમ ઇન્ડિયા રોહિત શર્મા અને વિરાટ કોહલીનાં આઉટ થયા બાદ મુશ્કેલીમાં મુકાયેલી હતી, પણ સૂર્યકુમાર યાદવે પોતાના શાનદાર પ્રદર્શનના દમ પર ટીમને જીત અપાવી.
.@surya_14kumar scored a cracking unbeaten half-century in the chase & was #TeamIndia's top performer from the second innings of the first #INDvSA T20I. 👌 👌
મોહમ્મદ રીઝવાનને પાછળ છોડ્યો
પાકિસ્તાનનાં બેટ્સમેન મોહમ્મદ રીઝવાને વર્ષ ૨૦૨૧માં ટી20 ક્રિકેટમાં 42 સિક્સર ફટકારી છે. તેમણે એક વર્ષમાં સૌથી વધારે સિક્સરનો રેકોર્ડ બનાવ્યો હતો, પણ હવે ભારતનાં સૂર્યકુમાર યાદવે તેમનો આ રેકોર્ડ તોડ્યો છે. સૂર્યાએ વર્ષ 2022માં અત્યાર સુધીમાં 45 સિક્સર ફટકારી છે. આ પ્રકારે એક વર્ષમાં સૌથી વધારે સિક્સરનો રેકોર્ડ સૂયકુમાર યાદવે પોતાના નામે કર્યો છે.
ભારતે સાઉથ આફ્રિકાને આપી માત
T-20 વર્લ્ડકપ પહેલા છેલ્લી T-20 સીરીઝ રમી રહેલી ટીમ ઇન્ડિયાની શાનદાર શરૂઆત થઇ છે. ભારતે તિરૂવનન્તપુરમાં રમાયેલી પહેલી મેચમાં સાઉથ આફ્રિકાને 8 વિકેટથી હરાવ્યું છે. 107 રનનો પીછો કરવા ઉતરેલી ટીમ ઇન્ડિયાએ 2 વિકેટ ગુમાવીને આ લક્ષ્ય મેળવી લીધું.
That Winning Feeling! 👏 👏 #TeamIndia begin the T20I series with a superb win in Thiruvananthapuram. 🙌 🙌
ભારત તરફથી સૂર્યકુમાર યાદવે 50 અને કે.એલ. રાહુલે 51 રનોની અણનમ ઇનિંગ રમી અને ટીમ ઇન્ડિયાને જીત અપાવી દીધી. 3 મેચોની સીરીઝમાં ભારત 1-0થી આગળ છે. આ મેચમાં રોહિત શર્મા 0 અને વિરાટ કોહલી 3 રન બનાવીને આઉટ થયા હતા.