ક્રિકેટ / પાકિસ્તાનના રિઝવાનને મ્હાત આપી સૂર્યકુમાર યાદવ બન્યો નંબર 1 બેટ્સમેન, આ વર્ષ T20Iમાં બનાવ્યા સૌથી વધુ રન

• સૂર્યકુમાર યાદવ T20Iનો નંબર વન બેટ્સમેન બની ગયો
• T20Iમાં વર્ષ 2022માં સૌથી વધુ રન બનાવનાર ખેલાડી 
• કેવું રહ્યું સૂર્યકુમાર યાદવનું T20I કરિયર?

ભારતીય ટીમ હાલ ચાલી રહેલ T20 વર્લ્ડ કપ 2022 માં તેની શરૂઆતની બંને મેચો જીતીને સુપર 12 ના ગ્રુપ 2 માં ટોચ પર છે.  છેલ્લા કેટલાક સમયથી ટીમ ઈન્ડિયાના મિડલ ઓર્ડરની કરોડરજ્જુ સાબિત થઈ રહેલ સૂર્યકુમાર યાદવ પાકિસ્તાન સામેની હાઈ વોલ્ટેજ મેચમાં 10 બોલમાં માત્ર 15 રન જ બનાવી શક્યો હતો પણ નેધરલેન્ડ સામે અડધી સદી રમીને તેને ધમાકેદાર વાપસી કરી હતી. વર્લ્ડ કપમાં ભારતની સુપર 12ની બીજી મેચમાં સૂર્યકુમાર યાદવે 25 બોલમાં અણનમ 51 રન બનાવ્યા હતા અને આ ઇનિંગ માટે તેને પ્લેયર ઓફ ધ મેચ પણ જાહેર કરવામાં આવ્યો હતો. જો કે આ સાથે જ તે હવે T20માં નંબર વન બેટ્સમેન પણ બની ગયો છે.

જો તમે વિચારી રહ્યા છો કે અમે ICC રેન્કિંગની વાત કરી રહ્યા છીએ તો તમને જણાવી દઈએ કે આમાં સૂર્યકુમાર યાદવ ત્રીજા સ્થાન પર છે અને આ લિસ્ટમાં મોહમ્મદ રિઝવાન પહેલા અને ન્યુઝીલેન્ડના ડેવોન કોનવે બીજા સ્થાને છે. પણ આ વર્ષે સૌથી વધુ T20 ઈન્ટરનેશનલમાં રન બનાવવાની વાત કરીએ તો સૂર્યકુમાર યાદવ તેમાં નંબર વન બેટ્સમેન બની ગયો છે. આ લિસ્ટમાં તેને પાકિસ્તાનના ઓપનર મોહમ્મદ રિઝવાનને પણ પાછળ છોડી દીધો છે. હાલ જ સૂર્યકુમાર યાદવ T20 ઇન્ટરનેશનલમાં ભારત માટે સૌથી ઝડપી 1000 રન બનાવનાર બેટ્સમેન બન્યો છે.

Another good outing 🇮🇳✌️ pic.twitter.com/8WfJiEPnh2

— Surya Kumar Yadav (@surya_14kumar) October 27, 2022

સૂર્યકુમાર યાદવ નંબર 1 બેટ્સમેન 
ભારતના સ્ટાર ક્રિકેટર મિડલ ઓર્ડરની કરોડરજ્જુ સાબિત થઈ રહેલ સૂર્યકુમાર યાદવે આ વર્ષે એટલે કે 2022માં અત્યાર સુધીમાં 25 મેચ મેચ રમી છે અને તેમાં 41.28ની એવરેજથી 867 રન બનાવ્યા છે. બીજી તરફ પાકિસ્તાનના વિકેટકીપર ઓપનર મોહમ્મદ રિઝવાન આ યાદીમાં બીજા નંબર પર સરકી ગયો છે. મોહમ્મદ રિઝવાને આ વર્ષે 19 મેચ રમી છે જેમાં તેને 51.56ની એવરેજથી 825 રન બનાવ્યા છે. આપણે બધા જાણીએ છીએ કે ગઇકાલ એટલે કે 27 ઓક્ટોબર ગુરુવારનો દિવસ T20 વર્લ્ડ કપમાં ખૂબ જ રોમાંચક હતો. સુપર 12ના ગ્રુપ 2માં ઝિમ્બાબ્વેએ પાકિસ્તાનને 1 રનથી હરાવ્યું હતું અને આ મેચમાં રિઝવાન માત્ર 14 રનનું યોગદાન આપી શક્યો હતો. તે જ સમયે દિવસની બીજી મેચમાં સૂર્યકુમાર યાદવે નેધરલેન્ડ સામે 51 રનની ઇનિંગ રમી હતી.

For his superb batting display, @surya_14kumar bags the Player of the Match award as #TeamIndia beat Netherlands to seal their 2⃣nd win of the #T20WorldCup. 👏👏 #INDvNED

Scorecard 👉 https://t.co/Zmq1ap148Q pic.twitter.com/4ocyzx7i3k

— BCCI (@BCCI) October 27, 2022

T20Iમાં વર્ષ 2022માં સૌથી વધુ રન બનાવનાર ખેલાડી 
સૂર્યકુમાર યાદવ - 25 મેચમાં 867 રન 
મોહમ્મદ રિઝવાન - 19 મેચમાં 825 રન
સિકંદર રઝા - 19 મેચમાં 652 રન 
પથુમ નિસાંકા - 21 મેચમાં 636 રન 
વિરાટ કોહલી - 629 રન (57.18ની સર્વશ્રેષ્ઠ સરેરાશ સાથે)

કેવું રહ્યું સૂર્યકુમાર યાદવનું T20I કરિયર?
સૂર્યકુમાર યાદવે 14 માર્ચ 2021ના રોજ ઈંગ્લેન્ડ સામે ટી20 અને આંતરરાષ્ટ્રીય ક્રિકેટમાં એન્ટ્રી કરી હતી અને ત્યારથી અત્યાર સુધીમાં કુલ 36 T20 ઇન્ટરનેશનલ મેચ રમી છે. સૂર્યા એ 34 ઇનિંગ્સમાં 1111 રન બનાવ્યા છે. તેની કારકિર્દીની સરેરાશ 39.68 અને સ્ટ્રાઈક રેટ 177.48 છે. સાથે જ T20 ઈન્ટરનેશનલમાં એક સદી અને 10 અડધી સદી ફટકારી છે. દોઢ વર્ષ પહેલા આંતરરાષ્ટ્રીય ક્રિકેટમાં એન્ટ્રી કરનાર સૂર્યા આજે ભારતીય મિડલ ઓર્ડરનો સ્ટાર બની ગયો છે.