સૂર્યાએ તાબડતોબ શતકીય ઈનિંગ ફટકાર્યા બાદ હેડ કોચ રાહુલ દ્રવિડને પણ પોતાના ચાહક બનાવી દીધાં છે. મેચ બાદ દ્રવિડે સ્ટાર બેટ્સમેન સૂર્યકુમારનો મજેદાર ઈન્ટરવ્યૂ લીધો હતો. જુઓ Video.
સૂર્યાનાં ધમાકેદાર પર્ફોર્મન્સથી દેશ ખુશ
હેડ કોચ રાહુલ દ્રવિડ પણ થયાં સૂર્યાનાં ચાહક
રમૂજી ઈન્ટરવ્યૂ લઈ કરી વાતો
સૂર્યકુમાર યાદવે ગયાં વર્ષથી ઈન્ટરનેશનલ ક્રિકેટમાં લગાતાર શતક ફટકારી રહ્યાં છે. 2022 પછી 2023માં પણ તેઓ ઉત્તમ પ્રદર્શન કરી રહ્યાં છે. સૂર્યાએ શ્રીલંકાની સામે ત્રીજી ટી20માં શનિવારે તાબડતોબ 112 રનોની મેચ રમી હતી. તેમણે 51 બોલનો સામનો કર્યો જેમાં 7 ચોગ્ગાં અને 9 છગ્ગાં ફટકાર્યાં હતાં.
રાહુલ દ્રવિડે સૂર્યાનો લીધો ઈન્ટરવ્યૂ
સૂર્યાની આ ધમાકેદાર શતકીય ઈનિંગે તો હેડ કોચ રાહુલ દ્રવિડને પણ પોતાનો ફેન બનાવી દીધેલ છે. મેચ બાદ દ્રવિડે સ્ટાર બેટ્સમેન સૂર્યકુમારનો ઈન્ટરવ્યૂ લીધો હતો જેનો વીડિયો પણ લોકો ખુબ પસંદ કરી રહ્યાં છે. વીડિયોમાં દ્રવિડે કહ્યું કે મને વિશ્વાસ છે કે જ્યારે તમે ક્રિકેટ રમવાની શરૂઆત કરી હશે ત્યારે મને બેટિંગ કરતાં નહીં જોયો હોય. આ સાંભળીને સૂર્યકુમાર હસવા માંડ્યા અને કહ્યું કે એવું નથી. મેં તમને બેટિંગ કરતા જોયું છે.
સૂર્યા, અસાધારણ...- દ્રવિડ
દ્રવિડે પૂછ્યું કે સૂર્યા, અસાધારણ. તમે જે ફોર્મમાં છો, દરેક વખતે મને એવું લાગે કે મેં આ મેચથી શાનદાર ઇનિંગ નથી જોઈ, તમે અમને કંઈક વધુ સારૂં દર્શાવો છો. ગયાં વર્ષે પણ તમે જે ઈનિંગ્સ રમી છે તેમને જોવું ઘણું ખાસ છે. શું તમે તેમાંથી પોતાની બેસ્ટ ઈનિંગ પસંદ કરી શકો છો?
સૂર્યકુમારે કહ્યું કે કોઈ એક ઈનિંગ પસંદ ન કરી શકું...
દ્રવિડના પ્રશ્નનો જવાબ આપતાં સૂર્યાએ કહ્યું કે મેં તમામ કઠોર પરિસ્થિતિઓમાં બેટિંગની મજા માણી છે. હું કોઈ એક ઈનિંગ પસંદ ન કરી શકું. કોઈ એકને પસંદ કરવું ખરેખર ઘણું અઘરૂં છે. જ્યારે બેટિંગ કરવા જાઉં છું તો હું બસ પ્રયત્ન કરૂં છું અને આનંદ માણું છું , જેટલું થઈ શકે છે તેટલું પોતાને અભિવ્યક્ત કરૂં છું. જો આ મારા અને મારી ટીમ માટે સારૂ સાબિત થાય છે તો હું ખુશ છું.
ટેસ્ટમાં મોકો નથી મળ્યો
સૂર્યાકુમારે માર્ચ 2021માં ટી20 ઈન્ટરનેશનલમાં અને જૂલાઈ 2021માં વનડેમાં ડેબ્યૂ કરેલ હતો. પરંતુ તેમને અત્યાર સુધી ટેસ્ટમાં રમવાનો મોકો મળેલ નથી. તેમનો ફર્સ્ટ ક્લાસનો રેકોર્ડ સારો છે અને તેઓ ત્રણ વખત શતક પણ ફટકારી ચૂકેલ છે. સૂર્યાએ અત્યારસુધીમાં 79 ફર્સ્ટ ક્લાસ મેચની 132 ઈનિંગમાં 5549 રનો બનાવ્યાં છે. 14 શતક અને 28 અર્ધશતક ફટકાર્યાં છે. 200 રન તેમનો બેસ્ટ સ્કોર છે. એટલેકે તેઓ ટેસ્ટમાં પણ મેચ રમવા માટે તૈયાર છે. હૈદ્રાબાદની સામે 90 જ્યારે સૌરાષ્ટ્રની સામે 95 અને 38 રન બનાવ્યાં હતાં.