ક્રિકેટ / સૂર્યકુમાર યાદવ તોડશે T20 રેન્કિંગનો મહારેકોર્ડ, બસ હવે 8 પોઈન્ટ રહ્યા, હજુ સુધી ત્રણ ખેલાડી જ આંબી શક્યા છે આ લક્ષ્ય

• ICC ટી20 બેટીંગ રેન્કિંગ્સમાં નંબર 1 પર સૂર્યકુમાર યાદવ યથાવત
• ટી20 કારકિર્દીના બેસ્ટ રેટીંગ પોઈન્ટ પ્રાપ્ત કર્યા
• લખનઉ ટી20 બાદ તેમના રેટીંગ પોઈન્ટ 908 સુધી પહોંચી ગયા

આઈસીસીએ નવુ ટી20 રેન્કિંગ જાહેર કર્યુ

સૂર્યકુમાર યાદવે જ્યારથી ક્રિકેટની દુનિયામાં પગ રાખ્યો છે તેમણે મેદાનમાં આગ લગાવી છે. સૂર્યકુમાર પોતાની તોફાની પર્ફોમન્સના દમ પર નંબર 1 ટી20 બેટર બન્યાં છે અને તેમની આ બાદશાહત યથાવત છે. આઈસીસીએ બુધવારે નવુ ટી20 રેન્કિંગ જાહેર કર્યુ. જેમાં સૂર્યકુમાર નંબર 1 પોઝીશન પર છે. પરંતુ સૂર્યાએ અહીં પણ નવા શિખરો સર કર્યા છે. 

સૂર્યકુમાર યાદવે ટી20 રેન્કિંગમાં બેસ્ટ રેટીંગ પોઈન્ટ પ્રાપ્ત કર્યુ

સૂર્યકુમાર યાદવે ટી20 રેન્કિંગમાં તેમની કારકિર્દીની બેસ્ટ રેટીંગ પોઈન્ટ પ્રાપ્ત કર્યુ છે. આ ખેલાડીએ 910 રેટીંગ પોઈન્ટ પ્રાપ્ત કર્યા. જો કે, લખનઉ ટી20 બાદ તેમના રેટીંગ પોઈન્ટ 908 સુધી પહોંચી ગયા. ઉલ્લેખનીય છે કે સૂર્યકુમાર યાદવ જો 916 રેટીંગ પોઈન્ટ પ્રાપ્ત કરે છે તો તેઓ ટી20 ક્રિકેટના ઈતિહાસમાં સૌથી વધુ રેટીંગ પોઈન્ટ પ્રાપ્ત કરનારા બેટર બની જશે. અત્યારે આ રેકોર્ડ ઈંગ્લેન્ડના ડેવિડ મલાનના નામે છે. થોડા સમયમાં આ રેકોર્ડ પર ભારતના આ પ્રતિભાશાળી બેટરનો કબજો થવાનો છે. 

ટી20માં પણ 900 રેટીંગ પોઈન્ટ પ્રાપ્ત કરનારા પહેલા ભારતીય

સૂર્યકુમાર યાદવ ટી20માં પણ 900 રેટીંગ પોઈન્ટ પ્રાપ્ત કરનારા પહેલા ભારતીય છે. તેમણે વિરાટ કોહલીના 897 રેટીંગ પોઈન્ટ્સનો રેકોર્ડ તોડ્યો હતો. ઈતિહાસમાં માત્ર 3 બેટર 900 રેટીંગ પોઈન્ટ સુધી પહોંચી શક્યા છે.