એક સમયે સૂર્યા ડોમેસ્ટિક ક્રિકેટનો સ્ટાર હતો અને હવે 12 વર્ષ પછી એ જ સૂર્યકુમાર યાદવ વિશ્વનો નંબર-1 T20 બેટ્સમેન બની ગયો છે. જાણો કેવી છે સૂર્યકુમાર યાદવની અત્યાર સુધીની સફર.
સૂર્યકુમાર યાદવ વિશ્વનો નંબર-1 T20 બેટ્સમેન બની ગયો
સૂર્યકુમાર યાદવ તેમની કારકિર્દીના શ્રેષ્ઠ તબક્કામાં
એન્જિનિયરનો દીકરો બન્યો સ્ટાર ક્રિકેટર
સ્થાનિક ક્રિકેટમાં સ્ટાર બન્યા પછી લાંબા સમય સુધી જોવી પડી રાહ
ધીરજના ફળ મીઠા હોય છે, આ વાત આપણે બધા એ સાંભળી હશે પણ આપણે કેટલી ધીરજ અને કેટલી રાહ જોવી પડશે તેનું કોઈ માપ નથી. જો કે આ કહેવતને ટીમ ઈન્ડિયાના બાહુબલી સૂર્યાએ સાચી કરી બતાવી છે. જણાવી દઈએ કે ટીમ ઈન્ડિયાના કેપ્ટન રોહિત શર્માએ વર્ષ 2011માં એક ટ્વિટ કરતાં કહ્યું હતું કે BCCI એવોર્ડ્સમાં સૂર્યકુમાર યાદવ નામનો એક યુવક છે, તેના પર નજર રાખો, તે સારું કરશે. એ સમયે સૂર્યા ડોમેસ્ટિક ક્રિકેટનો સ્ટાર હતો અને હવે 12 વર્ષ પછી એ જ સૂર્યકુમાર યાદવ વિશ્વનો નંબર-1 T20 બેટ્સમેન બની ગયો છે જણાવી દઈએ કે હાલ તેને સર્વશ્રેષ્ઠ T20 બેટ્સમેન પણ કહેવામાં આવી રહ્યો છે. સૂર્યકુમાર યાદવે એ કહેવત સાચી કરી બતાવી છે કે ધૈર્યનું ફળ ખૂબ જ મીઠું હોય છે અને એક સ્વપ્ન જેવું હોય છે જે હાલ સૂર્યા આ સમયે જીવી રહ્યો છે.
સૂર્યકુમાર યાદવ તેમની કારકિર્દીના શ્રેષ્ઠ તબક્કામાં
ભારતીય ક્રિકેટ ટીમના મિડલ ઓર્ડર બેટ્સમેન સૂર્યકુમાર યાદવ તેમની કારકિર્દીના શ્રેષ્ઠ તબક્કામાંથી પસાર થઈ રહ્યા છે. સૂર્યકુમાર યાદવનું બેટ સતત જોરદાર રન બનાવી રહ્યું છે. તેમણે તેમની ટૂંકી આંતરરાષ્ટ્રીય કારકિર્દીમાં અત્યાર સુધી ઘણા રેકોર્ડ બનાવ્યા છે. શ્રીલંકા સામેની ત્રીજી T20 ઈન્ટરનેશનલ મેચમાં સૂર્યકુમારે તે કારનામાને અંજામ આપ્યો છે, જેને અત્યાર સુધી વિશ્વના શ્રેષ્ઠ બેટ્સમેનો આજ સુધી આપી શક્યા નથી. ભારતના આ 360-ડિગ્રીવાળા બેટ્સમેન T20 આંતરરાષ્ટ્રીય ક્રિકેટમાં 3 સદી ફટકારનાર પ્રથમ નોન-ઓપનર બની ગયા છે.
એન્જિનિયરનો દીકરો બન્યો સ્ટાર ક્રિકેટર
ઉત્તર પ્રદેશના સૂર્યકુમાર યાદવના પરિવારમાં કદાચ કોઈએ નહીં વિચાર્યું હશે કે તે ક્રિકેટર બનશે. જણાવી દઈએ કે સૂર્યકુમારના પિતા અશોક યાદવ BARCમાં એન્જિનિયર હતા, માતા ગૃહિણી હતી. જો કે બાળપણમાં સૂર્યા બેડમિન્ટન અને ક્રિકેટ બંને રમતો હતો અને સમય જતાં એમને કરિયર તરીકે ક્રિકેટ પસંદ કર્યું હતું. સૂર્યકુમારે એક ઇન્ટરવ્યુંમાં જણાવ્યું હતું કે એમને શરૂઆત સ્કૂલ ક્રિકેટથી કરી હતી અને એ પછી એમના કાકાની મદદથી ક્રિકેટની પ્રોફેશનલ ટ્રેનિંગ પણ શરૂ કરી હતી. કોલેજ લાઈફ સુધી સૂર્યકુમાર યાદવ તેનું કરિયર ક્રિકેટમાં જ બનાવશે એમ વિચારીને પ્રોફેશનલ ક્રિકેટ રમવાનું શરૂ કર્યું હતું.
As we enter the year 2023, with unexplainable gratitude in my heart, I thank you for all the love and support you have showered upon me this year ♥️
Here’s hoping for an even greater year ahead, wishing you all a very happy new year 🤩 pic.twitter.com/mu44f5Mz41
સ્થાનિક ક્રિકેટમાં સ્ટાર બન્યા પછી લાંબા સમય સુધી જોવી પડી રાહ
સૂર્યકુમાર યાદવે વર્ષ 2010માં જ ઘરેલું ક્રિકેટમાં પદાર્પણ કર્યું હતું. જેમાં ગુજરાત સામે મુંબઈ તરફથી લિસ્ટ-એમાં એમને ડેબ્યૂ કર્યું હતું. જેમાં સૂર્યાએ 41 રન બનાવ્યા હતા અને એમને પહેલા રણજી ડેબ્યૂ મેચમાં 73 રન બનાવ્યા હતા. આ બસ એક શરૂઆત હતી, જેના પછી સૂર્યકુમાર યાદવે ડોમેસ્ટિક ક્રિકેટમાં લાંબી સફર કરી. જણાવી દઈએ કે સૂર્યાએ 118 લિસ્ટ-એ મેચોમાં 35ની એવરેજથી 3238 રન બનાવ્યા હતા અને 79 ફર્સ્ટ ક્લાસ મેચોમાં તેણે 45ની એવરેજથી 5549 રન બનાવ્યા હતા. આ બધા સાથે જ સૂર્યકુમાર યાદવના નામે કુલ 17 સદીનો રેકોર્ડ પણ છે.
વર્ષ 2012માં IPLમાં એન્ટ્રી મળી
જો કે ડોમેસ્ટિક ક્રિકેટમાં આટલા રન બનાવ્યા પછી પણ ટીમ ઈન્ડિયામાં તેને સ્થાન મળી શક્યું નહતું. એમ છતાં સૂર્યા એક મોટું નામ બની ગયો હતો. એ પછી સૂર્યકુમાર યાદવને વર્ષ 2012માં IPLમાં એન્ટ્રી મળી હતી અને તેને મુંબઈ ઈન્ડિયન્સ સાથે ડેબ્યૂ કર્યું હતું. આ પછી કોલકાતા નાઈટ રાઈડર્સે તેને 2014માં ખરીદ્યો હતો અને પછીથી તેની કિસ્મતનો તારો ચમકવા લાગ્યો હતો. એ પછી લગભગ ચાર વર્ષ સુધી આ ટીમ સાથે રહ્યો અને પછી ફરી એકવાર 2018માં મુંબઈ ઈન્ડિયન્સે તેને ખરીદ્યો હતો અને ત્યારથી સૂર્યકુમાર યાદવની કિસ્મત બદલાઈ ગઈ. 2018 થી આઈપીએલની દરેક સિઝનમાં સૂર્યાએ તેની ટીમ માટે સારું પ્રદર્શન કર્યું છે જએ મુજબ 1લી સિઝનમાં 500+, 2જી સિઝનમાં 400+ અને બીજી સિઝનમાં 300+ સ્કોર કર્યા છે.
કોહલી સાથે લડાઈ અને ટીમ ઈન્ડિયામાં એન્ટ્રી
સૂર્યકુમાર યાદવે IPL 2018, 2019 અને 2020 માં સૂર્યાએ સારા રન બનાવ્યા છતાં તેને ટીમ ઈન્ડિયામાં એન્ટ્રી નહતી મળી આ કારણે ક્રિકેટ ચાહકો પણ ગુસ્સે થયા હતા અને આ દરમિયાન એક આશ્ચર્યજનક ઘટના બની હતી. જણાવી દઈએ કે રોયલ ચેલેન્જર્સ બેંગ્લોર અને મુંબઈ ઈન્ડિયન્સની મેચ દરમિયાન સૂર્યકુમાર યાદવ-વિરાટ કોહલી સામસામે આવી ગયા હતા. બંને લાંબા સમય સુધી એકબીજા સામે ગુસ્સામાં જોતાં રહ્યા હતા. તે સમયે વિરાટ કોહલી ત્રણેય ફોર્મેટમાં ટીમ ઈન્ડિયાનો કેપ્ટન હતો. જો કે એ સમયે આ તસવીર સોશિયલ મીડિયા પર ખૂબ વાયરલ થઈ હતી.
આ રીતે કર્યું ટીમ ઈન્ડિયામાં ડેબ્યૂ
આઈપીએલ 2021 પહેલા 30 વર્ષના સૂર્યકુમાર યાદવને ટીમ ઈન્ડિયા તરફથી ફોન આવ્યો હતો અને એમને અમદાવાદમાં ઈંગ્લેન્ડ સામે તેની T20 કારકિર્દીની શરૂઆત કરી હતી. તેને પ્રથમ મેચમાં બેટિંગ મળી ન હતી તે પછીની મેચમાં તેણે બેટિંગ કરી હતી. ત્રીજા નંબરે બેટિંગ કરતા સૂર્યકુમાર યાદવે તેની આંતરરાષ્ટ્રીય કારકિર્દીના પહેલા જ બોલ પર છગ્ગો ફટકાર્યો હતો એ દિવસ છે અને આજનો દિવસ છે, સૂર્યકુમાર યાદવની આ સફર હજુ પણ એવી જ ચાલુ છે.
વર્ષ 2022માં સૂર્યા ઘણો ચમક્યો
સૂર્યકુમાર યાદવે વર્ષ 2021માં ટીમ ઈન્ડિયા માટે 11 T20 મેચ રમી હતી જેમાં 244 રન બનાવ્યા હતા અને તેના કરિયરમાં પણ કોઈને ખબર ન હતી કે આવનારા વર્ષમાં શું થવાનું છે. વર્ષ 2022 સંપૂર્ણપણે સૂર્યકુમાર યાદવના નામે રહ્યું હતું. જણાવી દઈએ કે વર્ષ 2022માં કુલ 31 T20 મેચ રમી જેમાં સૂર્યા એ 1164 રન બનાવ્યા હતા અને આ દરમિયાન તેની એવરેજ 47ની આસપાસ હતી, જેમાં 2 સદી, 9 ફિફ્ટી મારી હતી. આ સાથે જ વર્ષ 2023ની શરૂઆત પણ જોરદાર રહી છે અને તે પહેલા 10 દિવસમાં સૂર્યા એક સદી ફટકારી ચૂક્યો છે.
ટી-20માં સૂર્યકુમાર યાદવની સદી
• 117 ઈંગ્લેન્ડ સામે , 2022
• 112* શ્રીલંકા સામે , 2023
• 111* ન્યૂઝીલેન્ડ સામે , 2022
ભારત માટે સૌથી ઝડપી ટી20 સદી
35 બોલ, રોહિત શર્મા શ્રીલંકા સામે (2017)
45 બોલ, સૂર્યકુમાર યાદવ શ્રીલંકા સામે (2023)*
46 બોલ, કેએલ રાહુલ વેસ્ટ ઈન્ડિઝ સામે (2016)
48 બોલ, સૂર્યકુમાર યાદવ ઈંગ્લેન્ડ સામે (2022)
49 બૉલ્સ, સુર્યકુમાર યાદવ ન્યુઝીલેન્ડ સામે (2022 )