દર મહિને સૂર્ય રાશિ પરિવર્તન કરે છે. અમુક રાશિના જાતકો માટે સૂર્યનુ રાશિ પરિવર્તન શુભ તો અમુક લોકો માટે અશુભ હોય છે. સૂર્ય મકર રાશિમાંથી નિકળીને કુંભ રાશિમાં 13 ફેબ્રુઆરી 2023ના રોજ પ્રવેશ કરી રહ્યાં છે. તો કુંભ રાશિમાં પહેલેથી શનિ બિરાજમાન છે.
બનવા જઇ રહી છે સૂર્ય-શનિની યુતિ
આ રાશિના જાતકોએ રહેવુ પડશે સાવધાન
કુંભ રાશિમાં પહેલેથી શનિ બિરાજમાન
કુંભ રાશિમાં સૂર્ય અને શનિની યુતિ બનશે
જેના કારણે કુંભ રાશિમાં સૂર્ય અને શનિની યુતિ બની રહી છે. જે અમુક રાશિઓ માટે ખતરનાક છે. જ્યોતિષ શાસ્ત્ર મુજબ, ગ્રહ સમયે-સમયે રાશિ પરિવર્તન કરીને યુતિ બનાવે છે. આ યુતિનો પ્રભાવ માનવ જીવન અને દેશ દુનિયા પર જોવા મળે છે. વૈદિક જ્યોતિષ મુજબ શનિ અને સૂર્ય બંને દુશ્મન ગ્રહ છે.
સૂર્ય-શનિ 2023 યુતિ ક્યારે છે?
શનિ 17 જાન્યુઆરીએ સાંજે 5 વાગ્યેને 4 મિનિટે કુંભ રાશિમાં પ્રવેશ કરી ચૂક્યા છે અને સૂર્ય 13 ફેબ્રુઆરીએ સવારે 9 વાગ્યેને 21 મિનિટે કુંભ રાશિમાં પ્રવેશ કરશે. એવામાં 13 ફેબ્રુઆરીએ સૂર્ય અને શનિની યુતિ થઇ રહી છે. આ યુતિ 14 માર્ચ સુધી રહેશે અને ત્યારબાદ સૂર્ય દેવ મીન રાશિમાં પ્રવેશ કરશે. આવો જાણીએ એવી કઈ રાશિ છે, જેમણે સૂર્ય-શનિની યુતિથી સાવધાન રહેવુ પડશે.
આ રાશિના જાતકોએ રહેવુ પડશે સાવધાન
કર્ક
સૂર્ય-શનિની યુતિથી કર્ક રાશિના જાતકોની મુશ્કેલી વધી શકે છે. આ બંને ગ્રહોના મિલનથી કર્ક રાશિના જાતકોના નાણા પર પ્રભાવ પડવાનો છે. આ દરમ્યાન શનિ ઢૈયાનુ ફળ પણ આપશે. તો હાલમાં કર્ક રાશિના જાતકોએ ઈજાથી સાવધાન રહેવુ પડશે. કોઈ દુર્ઘટનાની આશંકા બની રહી છે. વાણી પર પણ સંયમ રાખો.
વૃશ્ચિક
વૃશ્ચિક રાશિના જાતકો માટે પણ બે દુશ્મન ગ્રહોનુ એકસાથે હોવુ ભારે પડશે. આ દરમ્યાન માતાના સ્વાસ્થ્યનુ વધારે ધ્યાન રાખવુ પડશે. હાલમાં આ રાશિના જાતકો પર શનિની ઢૈયા ચાલુ છે. એવામાં માનસિક તણાવ વધી શકે છે. વેપારમાં ઘટાડો આવી શકે છે.
કુંભ
કુંભ રાશિમાં શનિએ 17 જાન્યુઆરીએ પ્રવેશ કર્યો છે અને 13 ફેબ્રુઆરીએ સૂર્ય પણ કુંભમાં પ્રવેશ કરવાના છે. હાલનો સમય કુંભ રાશિના જાતકો માટે મુશ્કેલી વધારી શકે છે. આ રાશિમાં યુતિ થવાથી સૌથી વધુ નકારાત્મક પ્રભાવ કુંભ રાશિના જાતકો પર પડી શકે છે.