13 ફેબ્રુઆરીએ ગ્રહોના રાજા સૂર્ય પણ કુંભ રાશિમાં આવી જશે
કુંભ રાશિમાં બે શત્રુ ગ્રહોનો યોગ બનશે
કુંભ રાશિમાં બે શત્રુ ગ્રહોનો યોગ બનશે
નવુ વર્ષ 2023 આવવાનુ છે અને આ વર્ષ ગ્રહ નક્ષત્રોની ચાલની દ્રષ્ટિએ અત્યંત મહત્વપૂર્ણ રહેવાનુ છે. જ્યોતિષિઓ મુજબ નવા વર્ષના પહેલા ત્રણ મહિના અમુક રાશિના જાતકો માટે શુભ દેખાઈ રહ્યાં છે. નવા વર્ષમાં 17 જાન્યુઆરીએ ન્યાયના દેવ શનિ મકરમાંથી કુંભ રાશિમાં ગોચર કરી શકશે. ત્યારબાદ 13 ફેબ્રુઆરીએ ગ્રહોના રાજા સૂર્ય પણ કુંભ રાશિમાં આવી જશે. એેટલેકે કુંભ રાશિમાં બે શત્રુ ગ્રહોનો યોગ બનશે, જે 14 માર્ચ 2023 સુધી રહેશે.
સૂર્ય-શનિની યુતિ કઈ રાશિના જાતકોને લાભ આપશે
જ્યોતિષિઓનુ કહેવુ છે કે પિતા-પુત્ર (સૂર્ય અને શનિ)નો આ દુર્લભ સંયોગ જ્યારે કોઈ રાશિમાં બને છે તો અમુક જાતકોના જીવનમાં ઘણી બધી પરેશાનીઓ આવે છે. જો કે, સૂર્ય-શનિની આ યુતિ અમુક રાશિના જાતકો માટે લાભદાયી પણ હોય છે. આવો જાણીએ 13 ફેબ્રુઆરી 2023થી લઇને 14 માર્ચ 2023 સુધી બની રહેલી સૂર્ય-શનિની યુતિ કઈ રાશિના જાતકોને લાભ આપશે.
મેષ રાશિ- જ્યોતિષ શાસ્ત્ર મુજબ મેષ રાશિના જાતકો માટે સૂર્ય પાંચમા અને શનિ દશમા ભાવના સ્વામી હોય છે. આ બંને રાશિઓ માટે સૂર્ય-શનિની યુતિ શુભ રહેવાની છે. આ જાતકોની આવકમાં વધારો થશે. આવકના સ્ત્રોત પણ વધી શકે છે. માન-સન્માન વધશે. મિત્રો અને પરિવારજનોની સાથે સંબંધોમાં ફેરફાર થશે. આ દરમ્યાન શરૂ કરવામાં આવેલા કાર્ય લાંબા સમય સુધી તમને લાભ આપશે.
કન્યા રાશિ- કન્યા રાશિની વાત કરીએ તો સૂર્ય તેના 12મા અને શનિ પાંચમા અને છઠ્ઠા ભાવના સ્વામી હોય છે. આ બંને ગ્રહોની યુતિ તમારા છઠ્ઠા ભાવમાં હશે. સૂર્ય અને શનિની આ યુતિ કન્યા રાશિના વિદેશમાં કાર્યરત જાતકો માટે શુભ મનાઈ રહી છે. આ ઉપરાંત નોકરીયાત કર્મચારીઓ માટે નવા જોબની ઑફર મળી શકે છે. સ્પર્ધાત્મક પરીક્ષાની તૈયારી કરનારા વિદ્યાર્થીઓને પણ લાભ મળી શકે છે.
ધન રાશિ- ધન રાશિમાં સૂર્ય નવમા અને શનિ બીજા અથવા ત્રીજા ભાવના સ્વામી હોય છે. સૂર્ય અને શનિની યુતિ તમારા ત્રીજા ભાવમાં બનવા જઇ રહી છે. બંને ગ્રહોના મિલનથી તમારા સાહસ અને પરાક્રમમાં વધારો થશે. યાત્રાઓમાં લાભના અવસર બનશે. પોતાની પ્રભાવશાળી વાણીથી આ રાશિના જાતકો લોકોને સરળતાથી ઈમ્પ્રેસ કરી શકશે. તમને ભાગ્યનો પૂરેપૂરો સાથ મળશે અને પરિવારની સાથે સમય પસાર કરવાનો પણ અવસર પ્રાપ્ત થશે.