148 વર્ષ બાદ આ વર્ષનું પહેલું અદ્ભૂત સૂર્યગ્રહણ આજે યોજાશે. આજે સૂર્યગ્રહણ સમયે ચંદ્રમા સૂર્ય અને પૃથ્વીની બરોબર વચ્ચે જોવા મળશે અને વલયાકાર સૂર્યગ્રહણ યોજાશે.
148 વર્ષ બાદ સર્જાવા જઈ રહ્યો છે અદભૂત સંયોગ
જાણો કેમ ખાસ છે આ સૂર્યગ્રહણ
સૂર્યગ્રહણ સમયે ચંદ્રમા સૂર્ય અને પૃથ્વીની બરોબર વચ્ચે જોવા મળશે
આજે આ વર્ષનું પહેલું સૂર્યગ્રહણ યોજાવવા જઈ રહ્યું છે. આ સાથે શનિજયંતિનો યોગ પણ બની રહ્યો છે. આજે સૂર્યગ્રહણ સમયે ચંદ્રમા સૂર્ય અને પૃથ્વીની બરોબર વચ્ચે જોવા મળશે અને વલયાકાર સૂર્યગ્રહણ યોજાશે. 26મેનાા રોજ વર્ષનું પહેલું ચંદ્રગ્રહણ યોજાયું હતું. તો જાણો આજે ગ્રહણ ક્યાં અને ક્યારે જોવા મળશે.
શું છે વિશેષ સંયોગ
10 જૂને એટલે કે આજે યોજાનારા ગ્રહણની સાથે શનિ જયંતિનો યોગ બની રહ્યો છે. આ યોગ 148 વર્ષ બાદ બન્યો છે. આ પહેલા શનિ જયંતિ અને સૂર્યગ્રહણ બંને સાથે આવ્યા હોય તેવું 26મે 1873માં થયું હતું. ઉલ્લેખનીય છે કે સૂર્ય અને શનિદેવ પિતા -પુત્ર છે.
ભારતમાં કેટલા વાગે જોવા મળશે સૂર્યગ્રહણ
વર્ષનું પહેલું સૂર્યગ્રહણ ભારતમાં દરેક જગ્યાએ જોવા મળશે નહીં. તે ખૂબ જ ઓછા સમય માટે લદ્દાખની ઉત્તરી સીમાઓ અને અરુણાચલના દિબાંગ વાઈલ્ડ લાઈફ સેન્ચ્યુરીથી સાંજે લગભગ 5.52 મિનિટે જોઈ શકાશે.
રિંગ ઓફ ફાયરનું દ્રશ્ય જોવા મળશે
નાસાના આધારે આજે થનારું સૂર્યગ્રહણ રિંગ ઓફ ફાયરની જેમ જોવા મળશે. આ સમયે ચંદ્ર પૃથ્વી પર પહોંચનારા સૂર્યના કિરણોને બ્લોક કરી દેશે. એવામાં પૃથ્વી પરના લોકોને થોડો સમય સૂર્યનો નજારો ચમકતી વીંટી જેવો જોવા મળી શકે છે. જ્યારે ચંદ્રનો પૂરો ભાગ પોતાની છાયામાં ઢંકાતો નથી ત્યારે રિંગ ઓફ ફાયરનું દ્રશ્ય બને છે. આ સ્થિતિમાં સૂર્યનો કેટલોક ભાગ ચંદ્રમાની પાછળથી ચમકે છે. તેનું દ્રશ્ય આગમાં તપતી એક વીંટી જેવું હોય છે.
ક્યાં જોઈ શકાશે સૂર્યગ્રહણ
જાણકારોનું કહેવું છે કે આજનું સૂર્યગ્રહણ અને રિંગ ઓફ ફાયરના દ્રશ્યો ભારતમાં જોઈ શકાશે નહીં. લદ્દાખ અને અરુણાચલ પ્રદેશના કેટલાક ભાગમાં અને સાથે સાઉથ અમેરિકા, ધ પેસિફિક, હિંદ મહાસાગર, કેનેડા, ગ્રીનલેન્ડ, રશિયા, ન્યૂયોર્ક, વોશિંગ્ટન ડીસી, લંડન, ટોરેન્ટો અને એન્ટાર્કટિકાના કેટલાક ભાગમાં જોવા મળશે. આ સિવાય દેશ વિદેશમાં અલગ અલગ જગ્યાઓએ લોકો લાઈવ વેબકેમની મદદથી તેને જોઈ શકશે.
કેવી રીતે જોશો સૂર્યગ્રહણ
આસમાનમા થનારી આ અદભૂત ઘટનાને જોવા માટે લોકો વિશેષ રીતે બનાવેલા એક ગ્લાસ એટલે કે ચશ્માનો ઉપયોગ કરે તેવી સૂચના આપવામાં આવી છે.