અમરેલી જિલ્લાના વડિયાના સુરવો નદીમાં જંપલાવીને મોતને ભેટનાર યુવકના શબને થ્રિ-વહીલ લારીમાં લઇ જવાની મજબૂરીનો વિડીયો સોશિયલ મીડિયામાં વાયરલ થયો છે.
સરકારી તંત્રની સંવેદનહીનતા આવી સામે
મૃતદેહને લારીમાં લઈ જવાની પડી ફરજ
યુવકે નદીમાં પડી કર્યો હતો આપઘાત
કરમની કઠણાઈ ગણો કે તંત્રની ઘોર લાપરવાહી પણ વાસ્તવિકતા એ છે કે મોતનો મલાજો ન જાળવનાર વહીવટી તંત્ર સામે ફિટકાર વરસી રહ્યો છે. ગાંધીના ગુજરાતમાં ખુબજ શરમજનક કિસ્સો સામે આવ્યો છે. ગઈકાલે અમરેલી જિલ્લાના વડીયા સુરવો નદીમાં જંપલાવીને એક ગરીબ દિવ્યાંગ વ્યક્તિએ મોત વ્હાલું કર્યું હતું. બાદમાં ભારે જહેમત બાદ વિકલાંગ મૃતકનો મૃતદેહ મળ્યો હતો. મૃતદેહ તો મળ્યો પણ તેને લઈ જવા શબવાહીની તંત્ર દ્વારા ઉપલબ્ધ કરાઈ. એક ગરીબના શબને શબવાહિનીની જગ્યાએ થ્રિ વહીલ સાયકલમાં લઈ જવાની મજબૂરી સામે લાચાર તંત્રનો વીડિયો સોશિયલ મીડિયામાં વાયરલ થતા ચકચાર મચી જવા પામી છે. જોકે આ શરમજનક વીડિયો અમે તમને બતાવી શકીએ તેમ નથી..
અમરેલી જિલ્લા વહીવટી તંત્ર અને સરકાર સામે ફિટકાર વરસી રહ્યો છે. તંત્રની ઘોર બેદરકારીનો લાલબત્તી સમાનનો કિસ્સો સામે આવ્યો છે. મૃતકના પરિજનો દ્વારા મૃતકનું શબ થ્રિ-વહીલ સાયકલમાં લઈ જવાની મજબૂરી ઉભી થઇ હતી. ત્યારે મામલતદાર પોલીસ સહિતના અધિકારીઓની હાજરી હોવા છતાં મળેલ ડેડબોડીને થ્રિ વહીલ સાયકલ લારીમાં લઈ જવી પડી હતી. જે ગાંધીના ગુજરાત માટે ખુબજ શરમજનક ગણી શકાય.
ગરીબ મૃતકના ભાઈએ શબને થ્રિ-વહીલ સાયકલ લારીમાં લાવ્યા હોવાનું જણાવ્યું હતું. વડિયાની ઉભી બજારમાંથી આ શબને સાયકલ લારીમાં લઈ જતા હોવાનો વિડીયો સોશિયલ મીડિયામાં વાયરલ થતા ચકચાર મચી જવા પામી છે.