નમો એપના સર્વેથી BJP સાંસદોમાં ફફડાટ..! પૂછવામાં આવી રહ્યાં છે આ સવાલ

નમો એપ પર કરવામાં આવી રહેલા સર્વેએ અનેક સાંસદોની ઊંઘ હરામ કરી નાખી છે. પીએમ મોદીની નમો એપ પર લોકો પાસે તેમના સંસદીય વિસ્તારના ત્રણ સૌથી પ્રમુખ નેતાઓની જાણકારી માગવામાં આવી છે.

પીપલ્સ પલ્સ નામના એક સર્વે દ્વારા ભાજપ લોકસભા ચૂંટણી 2019 માટે ઉમેદવારોના નામ શોર્ટલિસ્ટ કરી રહી છે. પીએમ મોદી અગાઉ અનેક વાર સાંસદોને સરકાર દ્વારા ચલાવવામાં આવતા કાર્યક્રમોને જનતા સુધી પહોંચાડવાનું કહી ચૂક્યા છે. આ સિવાય સાંસદનોને સરકારી ડેટને લઈને નમો એપ પર એક્ટિવીટી વધારવા પણ કહી ચૂક્યા છે.

સર્વેમાં પૂછવામાં આવેલા સવાલોમાંનો એક સવાલ એવો છે કે પોતાના સંસદીય વિસ્તારના ત્રણ સૌથી પ્રખ્યાત નેતાઓના નામ બતાવો. આ સવાલ ભાજપના તમામ 268 સાંસદોનું ધ્યાન ખેંચી રહ્યો છે.

આ સર્વેમાં પીએમ મોદીને શેમાં રસ છે તે સ્પષ્ટ છે. પીએમ મોદીએ એક વીડિયો અપલોડ કરીને આ સર્વેમાં ભાગીદાર થવા લોકોને અપીલ કરી છે. પીએમ મોદીએ ટ્વીટ પણ કર્યુ હતુ કે મને અનેક મુદ્દાઓ પર તમારો સીધો ફીડબેક જોઈએ છે.

નરેન્દ્ર મોદી એપ પર સર્વેમાં ભાગ લો. પીએમ મોદીએ વીડિયોમાં કહ્યુ છે કે તમારો ફીડબેક ખૂબ મહત્વનો છે. અનેક મુદ્દા પર નિર્ણય લેવા માટે તમારો ફીડબેક અમારી મદદ કરશે. તમે ખુદ તો આ સર્વેમાં ભાગ લો અને અન્ય લોકોને પણ આમ કરવા કહો.

ભાજપ અધ્યક્ષ અમિત શાહે પણ ટ્વીટ કરીને આ અંગે અપીલ કરી છે. એક બીજો સવાલ એ પણ પૂછવામાં આવ્યો છે કે શું ભાજપ વિરોધી મહાગઠબંધનની તમારા સંસદીય વિસ્તારમાં અસર થશે. આ સિવાય અનેક સવાલો આ સર્વેમાં પૂછવામાં આવ્યા છે.

જ્યારે ભાજપના રાષ્ટ્રીય અધ્યક્ષ અમિત શાહે પણ લોકોને આ સર્વેમાં ભાગ લેવા અપીલ કરી છે. ભાજપના સૌથી વધુ સાંસદ હિન્દી શાસિત રાજ્ય મધ્યપ્રદેશ છત્તીસગઢ રાજસ્થાન અને ઉત્તર પ્રદેશમાંથી આવે છે જ્યાં 2017માં યુપી વિધાનસભા ચૂંટણી બાદ પાર્ટી પોતાનું વિજય અભિયાન ચલાવી રાખવામાં નિષ્ફળ નિવડી હતી. જેમાં હાલમાં યોજાયેલ વિધાનસભા ચૂંટણી તેમજ યૂપીમાં ગોરખપુર ફૂલપુર અને કૈરાનામાં યોજાયેલ લોકસભા પેટાચૂંટણીમાં મળેલી હાર સામેલ છે.