ગજબ / સુરતમાં 12મા માળેથી પટકાઈ તરૂણી, બાદમાં જે થયું તે ચમત્કાર

13 એપ્રિલે બનેલી ઘટનાના CCTV સામે આવ્યા છે. મળતી માહિતી મુજબ કપડા સુકવતી વખતે પગ લપસતા તરૂણી 12માં માળેથી નીચે પટકાઈ હતી. નીચે પડતા છાપરાની આડશ આવી જતા તરૂણીનો આબાદ બચાવ થયો હતો. જોકે તરૂણીને હાથ, પગ અને કરોડરજ્જુમાં 18 ફેક્ચર આવ્યા છે. હાલમાં તરૂણીની હોસ્પિટલમાં સારવાર ચાલી રહી છે.

આ ઘટના સીસીટીવીમાં કેદ થઈ જવા પામી છે. કિશોરીને હાથ-પગ, માથું અને કરોડરજ્જુ સહિતની જગ્યાઓ પર 18 જેટલાં ફ્રેક્ચર થયાં હતાં. 12માં માળેથી પટકાયેલી વ્યક્તિ બચી ન શકે, પણ પતરાંનાં શેડ પર પડતાં શેડ તૂટી ગયો, જેથી પછડાટ ઓછી લાગતાં તે બચી ગઈ હતી. ડોક્ટરોએ તેના પર ઘણી બધી સર્જરીએ કર્યા બાદ હવે તે સ્વસ્થ થઈ રહી છે.