સુરેન્દ્રનગર: વઢવાણના સતવારાપરા વિસ્તારમાં રહેતા શ્યામભાઈ મકવાણાના એક વર્ષ પહેલા દલાલ મારફતે ધરમપુરમાં લગ્ન થયા હતા. શ્યામભાઈએ ધરમપુર ગામમાં રહેતી પીનલબેન સાથે લગ્ન કર્યા હતા. 1 લાખ 20 હજાર રૂપિયા લઈને શ્યામભાઈએ યુવતી સાથે લગ્ન કર્યા હતા. જોકે લગ્નના થોડા સમય બાદ પીનલબેન બહાનું બતાવીને પોતાના પિયરમાં જતી રહી હતી.
જો કે થોડા સમયગાળા બાદ શ્યામભાઈએ ફોન કર્યા પરંતુ પીનલબેન પરત આવ્યા ન હતા. ત્યારબાદ શ્યામભાઈએ પત્નીના પિયરમાં જઈને તપાસ કરી હતી. પરંતુ ત્યાં તેમને પત્ની મળી ન હતી. પત્નીને અન્ય જગ્યાએ રૂપિયા લઇ પરણાવી દીધી હોવાનું તેમને સ્થાનિક લોકો દ્વારા જાણવા મળ્યું હતું.
ઉલ્લેખનય છે કે આ મામલે શ્યામભાઈએ વઢવાણ પોલીસ સ્ટેશનમાં લગ્નની લાલચ આપી છેતરપિંડી કરવાની ફરિયાદ નોંધાવી છે. પોલીસે ફરિયાદના આધારે ભરતભાઈ પરમાર અને વિજયભાઈ પરમારની ધરપકડ કરીને આગળની તપાસ હાથધરી છે.
આ બન્ને આરોપીઓ શહેરોની યુવતી સાથે લગ્ન વાંચ્છુક યુવકોનો સંપર્ક કરાવીને રૂપિયા લઈને લગ્ન કરાવી આપતા હતા. જો કે લગ્નના થોડા સમયગાળામાં યુવતી રોકડ અને સોનાના દાગીના લઈ ફરાર થઇ જતી હતી.
હાલ પોલીસે આ બંન્ને લોકની ધરપકડ કરીને કાયદેસરની કાર્યવાહી હાથ ધરી હતી. પોલીસે બંન્ને પ્રાથમિક પૂછપરછ કરતા આ લોકો અલગ-અલગ શહેરમાં રૂપિયા લઈને લગ્ન કરાવતા હોવાની બન્ને આરોપીઓએ કબૂલાત કરી છે.