VTV Exclusive / બિનસચિવાલય પરીક્ષા કૌભાંડઃ સુરેન્દ્રનગરની સ્કૂલના સુપરવાઇઝરે કહ્યું કંઈક એવું કે બધા ચોંકી ગયા

• VTV સમક્ષ સ્કૂલના સુપરવાઈઝર પ્રેરણા મહેતાનું નિવેદન
• હું પેપર કલેક્ટ કરી રહી હતી, ત્યારે ઘટના બની
• ઉમેદવાર પાસે મોબાઈલ ક્યાંથી આવ્યો તે ખબર નથી
• સ્કૂલ અને સુપરવાઝરની ઘટનામાં કોઈ ભૂલ નથી

સુપરવાઇઝરે જણાવ્યું કે ઉમેદવાર પાસે મોબાઈલ ક્યાંથી આવ્યા તે મને ખબર નથી. સ્કૂલ અને સુપરવાઈઝરની આ ઘટનામાં કોઈ પણ ભૂલ નથી. આ દરમિયાન સુપરવાઈઝરે વોચમેન અને પોલીસ સામે પણ સવાલ કર્યા હતા.

સુપરવાઇઝર પ્રેરણા મહેતાએ જણાવ્યુ કે, હું છોકરાઓના મોબાઈલ ચેક કરી શકતી નથી.  જ્યારે આ કેસને લઇને બીજી તરફ સ્કૂલના પ્રિન્સીપાલ અજીકુમારે પણ VTV સાથે વાતચીત કરી હતી.

આ દરમિયાન તેમણે જણાવ્યુ કે, પરીક્ષા દરમિયાન ઘટનાની જાણ ન હતી. મીડિયા મારફતે સમગ્ર ઘટનાની જાણ થઈ છે. પરીક્ષા થઈ ત્યારે સુપરવાઈઝરે ગેરરીતિ વિશે કંઈ પણ જણાવ્યુ ન હતુ.

પ્રિન્સિપાલે કહ્યું કે હવે તપાસ કર્યા બાદ સુપરવાઈઝર સામે કાર્યવાહી કરવામાં આવશે. જો પરીક્ષા દરમિયાન સુપરવાઈઝરે ફરિયાદ કરી હોત તો શિક્ષણ વિભાગમાં રજૂઆત કર્યા બાદ કાર્યવાહી કરવામાં આવત. આ ઘટના ઉજાગર થયા બાદ હજુ સુધી શિક્ષણ વિભાગે પણ સ્કૂલનો સંપર્ક કર્યો નથી.

સુરેન્દ્રનગર જિલ્લાના વઢવાણમાં બિનસચિવાલય ક્લાર્કની પરીક્ષામાં ગેરરીતિ સામે આવી હતી. આ ગેરરીતિના CCTV ફૂટેજ કોંગ્રેસે જાહેર કર્યા હતા અને પરીક્ષામાં ગેરરીતિ થયાના ગંભીર આક્ષેપો કર્યા હતા. ત્યારે આ મામલે VTVની ટીમે  સુરેન્દ્રનગર પહોંચીને રિયાલીટી ચેંકીગ કર્યું હતું. ગેરરીતિના આક્ષેપ મુદ્દે VTVની ગ્રાઉન્ડ ઝીરો લેવલે તપાસ કરી હતી.