સુરેન્દ્રનગરના વગડીયા ગામે ફાયરિંગમાં સંકળાયેલા આરોપીએ દવા ગટગટાવીને આપઘાતનો પ્રયાસ કર્યો હતો. જેને લઈને તેને સારવાર માટે ખસેડવામાં આવ્યો હતો. ત્યારે સારવાર દરમિયાન આરોપીએ વીડિયો વાયરલ કર્યો હતો.
જેમાં તેણે પોલીસ પર ખોટી રીતે હેરાન કરાતા હોવાનો આક્ષેપ કર્યો હતો અને પોલીસે રૂપિયા 10 લાખની માગણી કરી હોવાનો પણ ઉલ્લેખ કર્યો હતો. તેમજ પોલીસના શારીરિક અને માનસિક ત્રાસના કારણે પગલુ ભર્યુ હોવાનો આક્ષેપ કરાયો હતો. મહત્વનું છે કે ખંડણી અને મારામારીના અનેક ગુનાઓ તથા વેપારી પર ફાયરિંગ કરવાના મામલે આરોપી સંકળાયેલો છે.
ઉલ્લેખનીય છે કે સુરેન્દ્રનગર જિલ્લાના મુળી તાલુકાના વગડીયા ગામનાં અનાજ-કરીયાણાના વેપારી દુકાને હતાં ત્યાં અચાનક એક શખ્સે દુકાન પર આવી અંદાજે રૂ. ૩ લાખની ખંડણી માંગી હતી.
જે આપવાનો વેપારીએ નનૈયો કરતાં રોષે ભરાયેલ શખ્સે વેપારી સાથે મારામારી કરી હતી. આ સાથે જે તે વેપારી પર ફાયરીંગ કરી નાસી છૂટયો હતો. અંતે પોલીસે તેની ધકપકડ કરતા આરોપીએ દવા ગટગટાવી હતી.