વાડ જ ચીભડાં ગળે..! સુરેન્દ્રનગર સબજેલના જેલર લાંચ લેતા રંગે હાથ ઝડપાયા

સુરેન્દ્રનગર: સબજેલનો જેલર લાંચ લેતા ઝડપાયો છે. રાજકોટ ACBએ સબજેલરને રંગે હાથ લાંચ લેતા ઝડપી પાડ્યો છે. આ જેલરે જેલમાં બંધ બે આરોપીઓને હેરાન નહીં કરવા માટે લાંચ માગી હતી.

લાંચની રકમ પણ કેટલી મામૂલી..માત્ર રૂ. સાત હજાર. આટલી નજવી રકમની લાલચમાં આ જેલરે પોતાનું ભવિષ્ય દાવ મૂક્યું અને આખરે ACBએ છટકુ ગોઠવીને જેલરને ઝડપી પડ્યો. પોલીસે આ મુદ્દે ગુનો નોંધી આગળ કાર્યવાહી હાથ ધરી છે.

આ ઘટના મામલે મળતી જાણકારી પ્રમાણે ગતરોજ રાજકોટ ACBએ સુરેન્દ્રનગરની સબજેલના જેલરને લાંચ લેતા રંગે હાથ ઝડપી પાડ્યા હતા. જેલરે જેલમાં બંધ 2 આરોપીઓને હેરાન નહીં કરવા માટે 7 હજાર જેવી સામાન્ય રકમ માગી હતી.

જો કે આ ઘટના અંગેની જાણકારી રાજકોટ ACBને મળતા એસીબીની એક ખાસ ટીમે છટકું ગોઠવ્યું હતું અને જ્યારે જેલર લાંચની રકમ લેવા ગયો ત્યારે ACB તેને રંગે હાથ ઝડપી લીધો હતો. આ મામલે પોલીસે ગુનો નોંધીને હાલ કાયદેસરની કાર્યવાહી હાથ ધરી છે.

ઉલ્લેખનીય છે કે આ પહેલા પણ પાટડી ખાતેથી એક સરકારી અધિકારી જમીન બાબતે લાંચ લેતા ઝડપાયા હતા. ત્યારે ગતરોજ સુરેન્દ્રનગર જિલ્લાની સબજેલના જેલર જ આરોપીઓને કનડગત નહીં કરવા માટે માંગેલ 7 હજારની રકમ લેતા એસીબીની ઝપટે ચડી જતાં વાડ ચીભડાં ગળે તેવી સ્થિતિ સર્જાઇ છે.