રાજ્યમાં ખુબ મોટા પ્રમાણમાં પોલીસ વિભાગમાં ભરતીઓ કરવા માટે પરીક્ષાઓ ચાલી રહી છે. ત્યારે શારીરિક કસોટી દરમિયાન છેડછેડાનો કિસ્સો સામે આવ્યો હતો. આ મામલે કાર્યવાહી પણ કરવામાં આવી છે.
આરોપીઓ વિરૂદ્ધ કાયદાકીય અને ખાતાકીય કાર્યવાહી કરવામાં આવશેઃ હસમુખ પટેલ
સુરેન્દ્રનગરમાં પોલીસ ભરતી પ્રક્રિયામાં જવાહર ગ્રાઉન્ડ ખાતે PSIની શારીરિક કસોટીના નકલી કોલ લેટર બનાવાના કૌભાંડનો પર્દાફાશ થયો હતો. કોલ લેટર સાથે છેડછાડ કરનાર રાજકોટ અને બોટાદના બે કોન્સ્ટેબલ સહિત પાંચ ઉમેદવારોની પોલીસે ધરપકડ કરાઈ હતી. એક ઉમેદવાર ઓરિજનલ કોલ લેટરમાં સહિ સિક્કા કરાવવા જતાં બોગસ કોલ લેટરનું કૌભાંડ બહાર આવ્યું હતું. ત્યારબાદ પોલીસે પાંચેય ઉમેદવારો વિરૂદ્ધ ગુનો નોંધ્યો હતો. તો બે પોલીસ કોન્સ્ટેબલ વિરૂદ્ધ કડક કાર્યવાહીની તૈયારી કરવામાં આવી રહી છે.
આરોપીઓ વિરૂદ્ધ કાયદાકીય અને ખાતાકીય કાર્યવાહી કરવામાં આવશેઃ હસમુખ પટેલ
સુરેન્દ્રનગરમાં ગેરરીતિમાં ઝડપાયેલા પૈકી બે ઉમેદવારો હાલ પોલીસ કોન્સ્ટેબલ તરીકે ફરજ બજાવી રહ્યાં છે. રાજકોટના મહેશ દિનેશભાઈ સેગલીયા હાલ રાજકોટ પોલીસમાં કોન્સ્ટેબલ તરીકે ફરજ બજાવે છે જ્યારે પાળીયાદના કિશનભાઈ બજાભાઈ રાઠોડ હાલ બોટાદમાં ટ્રાફીક કોન્સ્ટેબલ તરીકે ફરજ બજાવે છે. આ બન્ને ઉમેદવારો સામે ખાતાકીય તપાસ થશે. આ અંગે આઈપીએસ હસમુખ પટેલે માહિતી આપી છે.
લોક રક્ષક દળ ભરતી બોર્ડના પ્રમુખ આઈપીએસ અધિકારી હસમુખ પટેલે ટ્વિટ કરીને જણાવ્યું કે, કોલલેટર છેડછાડના ગુનામાં પકડાયેલા પાંચ આરોપીઓ પૈકી બે પોલીસ કોન્સ્ટેબલ છે. તેઓ વિરુદ્ધ ગુનાની કાયદાકીય કાર્યવાહી ઉપરાંત ખાતાકીય પગલા પણ લેવામાં આવશે. ભરતીમાં ગેરરીતિ કરનાર કોઈપણ ની વિરુદ્ધ સખતમાં સખત પગલાં લેવામાં આવશે.
કોલ લેટર છેડછાડના ગુનામાં પકડાયેલા પાંચ આરોપીઓ પૈકી બે પોલીસ કોન્સ્ટેબલ છે. તેઓ વિરુદ્ધ ગુનાની કાયદાકીય કાર્યવાહી ઉપરાંત ખાતાકીય પગલા પણ લેવામાં આવશે. ભરતીમાં ગેરરીતિ કરનાર કોઈપણ ની વિરુદ્ધ સખતમાં સખત પગલાં લેવામાં આવશે.#LRD_ભરતી#LRDS#LRD
ઓરિજનલ કોલ લેટરમાં ફાળવવામાં આવેલા સમયમાં છેડછાડ કરાઈ હતી
રાજકોટના મહેશ દિનેશભાઈ સેગલીયા, આશિષ પાતુભાઈ ગઢવી, પીપરડી(તા.વીંછીયા)ના જયદીપસિંહ નટુભાઈ ગોહિલ, ફુલઝર(તા.વીંછયા)ના પ્રવીણભાઈ કરમશીભાઈ સાકરીયા અને પાળીયાદ(જી.બોટાદ)ના કિશનભાઈ વજાભાઈ રાઠોડ PSIની જગ્યા માટે શારીરિક કસોટી આપવા આવ્યા હતા. આ તમામ ઉમેદવારોના કોલ લેટરમાં મેદાન ઉપર હાજર થવાનો સમય 8 વાગ્યાનો હતો. પરંતુ સવારમાં સુર્યોદય પહેલા વધુ ઝડપથી દોડી શકાય અને વધુ ગુણ મેળવી શકાય તે માટે તેમણે કોલ લેટરમાં છેડછાડ કરીને સમય 6 વાગ્યાનો કરી ડુપ્લીકેટ કોલ લેટર સાથે આવ્યા હતા.
જોકે આ ચારેય ઉમેદવારોની દોડની પરીક્ષા લેવાઈ પણ ગઈ હતી. પરંતુ આશિષ પતુભાઈ ગઢવી અસલ કોલ લેટરમાં સહિ સિક્કા કરાવવા જતા પકડાઈ ગયો હતો. તેની પાસેથી બે કોલલેટર મળતા પરીક્ષા લેતા પોલીસ અધિકારી ચોંક્યા હતા અને તમામ ઉમેદવારોના કોલ લેટરની તપાસ કરતા અન્ય ચાર ઉમેદવારએ પણ ગેરરીતિ આચરીને સવારમાં આવ્યા હોવાનું સામે આવ્યું હતું. આ ભરતી પ્રક્રિયામાં ફરજ બજાવતા PSI વી.એન.જાડેજા (બજાણા)એ ફરીયાદી બનીને પાંચેય સામે ગુનો નોંધવા સુરેન્દ્રનગર સીટી A ડીવીઝન પોલીસને લેખીત જાણ કરી હતી.
માહિતી-ગેરરીતિ રોકવા મદદરૂપ થવા હેલ્પ લાઇન નંબર
હસમુખ પટેલે અન્ય એક ટ્વિટ કરીને કહ્યું કે, પરીક્ષામાં માહિતી અમને ગેરરીતિ રોકવામાં મદદરૂપ થાય છે. માહિતી માટે હેલ્પ લાઈન નંબર: 7041454218/ 9104654216/ 8401154217 પર સમય સવારે 10:30થી સાંજે 6 સુધી. માહિતી આપનારની ઓળખ ગુપ્ત રાખવામાં આવશે.
તમારા દ્વારા આપવામાં આવતી માહિતી અમને ગેરરીતિ રોકવામાં મદદરૂપ થાય છે. માહિતી માટે હેલ્પ લાઈન નંબર:
7041454218
9104654216
8401154217
સમય સવારે 1030થી સાંજે 6 સુધી.
માહિતી આપનાર ની ઓળખ ગુપ્ત રાખવામાં આવશે.#LRD_ભરતી#LRDS#LRD