કોરોના સંકટ / સુરેન્દ્રનગરઃ લીંબડી સબ જેલમાં કોરોના બ્લાસ્ટ, 39 કેદીઓ કોરોનાગ્રસ્ત, એક પોલીસકર્મી પણ ઝપેટમાં

• લીંબડી સબ જેલના 39 કેદીઓ કોરોનાગ્રસ્ત
• સબ જેલના એક પોલીસ કર્મચારી પણ કોરોનાની ઝપેટમાં
• એકસાથે 40 કોરોના પોઝિટિવ કેસને લઈ તંત્ર દોડતુ થયુ

સુરેન્દ્રનગરના લીંબડી શહેરની સબ જેલમાં 39 કેદીઓ કોરોના પોઝિટિવ આવ્યો છે. સબજેલના એક પોલીસ કર્મચારી પણ કોરોનાની ઝપેટમાં આવ્યા છે. એકસાથે 40 કોરોના પોઝિટિવ કેસને લઈ તંત્ર દોડતું થયું છે. લીંબડી મામલતદાર અને નાયબ કલેકટર ઘટનાસ્થળે પહોંચ્યા હતા. આરોગ્ય વિભાગ અને DyCPની ટીમ પહોંચી હતી.

મહત્વનું છે કે આજે રાજ્યમાં એક જ દિવસમાં કોરોનાના નવા 1330 કેસ પોઝિટિવ નોંધાયા છે. આજે એક જ દિવસમાં 72 હજાર 690 ટેસ્ટ કરાયા છે. કોરોનાના કુલ પોઝિટિવ કેસની સંખ્યા 1 લાખ 5 હજાર 671 પર પહોંચી છે. આજે 15 દર્દીઓના મોત થતા રાજ્યમાં કુલ 3123 દર્દીઓના મોત થયા છે. તો રાજ્યમાં 1276 દર્દીઓ સાજા થઈ ઘરે ગયા છે. કુલ 86,034 દર્દીઓ સાજા થયા છે. હાલ રાજ્યમાં 89 દર્દીઓ વેન્ટિલેટર પર છે. રાજ્યમાં 16,514 કોરોના એક્ટિવ કેસ છે.