કરોડોની મિલકતોના વહીવટમાં.તો રાજકોટ ક્રાઈમ બ્રાન્ચ આગળ છે જ.પરંતુ હવે રાજકોટ ક્રાઈમબ્રાન્ચને દારૂનો નશો લાગ્યો છે.નશો પણ એવો કે, દારૂના વહીવટ માટે રાજકોટ ક્રાઈમ બ્રાન્ચની ટીમ 80 કિલોમીટર દૂર સાયલાથી દારૂ ભરેલા ટ્રકનું અપહરણ કરી લઈ જાય છે.પરંતુ જેવો જ વહીવટ થવા જાય છે કે, સ્ટેટ મોનિટરિંગ સેલ રંગેહાથ ઝડપી પર્દાફાશ કરે છે ત્યારે સમગ્ર ઘટનાની ગંભીરતાને સમજીને ઘટના બનતા જ ઇન્ચાર્જ પોલીસ કમિશનર ખુરશીદ અહેમદે તપાસના આદેશ આપી દીધા છે. ક્રાઇમ બ્રાન્ચના ડીસીપી ડો.પાર્થરાજસિંહ ગોહિલને તપાસ સોંપાઈ છે. ત્યારે સુરેન્દ્રનગરના સાયલામાંથી દારૂ ઝડપાવવાનો મામલે રાજકોટ ક્રાઇમ બ્રાન્ચના મહિલા PSI સહિત 3 હેડ કોન્સ્ટેબલ, 1 કોન્સ્ટેબલ સસ્પેન્ડ કરી દેવામાં આવ્યા છે. રાજકોટના નવા DCP ક્રાઈમ પાર્થરાજસિંહ ગોહિલે તપાસનો ચાર્જ સંભાળતા જ ઓર્ડર આપ્યા છે.
ક્યા પોલીસકર્મીઓ સસ્પેન્ડ?
PSI ભાવના કડછા
દેવા દરજીયા
ક્રિપાલસિંહ
સુભાષ ઘોઘારી
ઉપેન્દ્રસિંહ
બુટલેગરોની ગેંગમાં હવે રાજકોટ ક્રાઈમબ્રાન્ચ!
ગુજરાતના યુવાઓનું જીવન બર્બાદ કરે છે ક્રાઈમ બ્રાન્ચ આવા શબ્દો ક્રાઈમ બ્રાન્ચ માટે ન ઉચ્ચારવા જોઈએ.કારણ કે, તેમાં બેસેલા દરેક અધકિારી ભ્રષ્ચારી નથી હોતા.પરંતુ ફસાયેલા રૂપિયા અને મિલકતો પાછી મેળવી આપવાના વહીવટોમાં કરોડોની કમાણી કરતા રાજકોટ ક્રાઈમબ્રાન્ચના અધકિારીઓને હવે દારૂનો નશો પણ લાગ્યો છે.અને આ માટે જ રાજકોટ ક્રાઈમ બ્રાન્ચના અધકિારીઓએ ગત મોડી રાત્રે દારૂભરેલા ટ્રકનું અપહરણ કરવું પડયું.અને તે પણ સુરેદ્રનગર જિલ્લામાં ઘૂસીને.જોકે લાખો રૂપિયાનો વહીવટ થવા જઈ રહ્યો હતો.ત્યાં ક્રાઈમ બ્રાન્ચના અધકિારીઓના કિસ્મત ફૂટયા.કારણ કે, સ્ટેટ મોનીટરીંગ સેલના અધકિારીઓએ દબોચી લીધા.અને ક્રાઈમ બ્રાન્ચના લાખો રૂપિયાના તોડપાણીનો પર્દાફાશ થયો.
કેવી રીતે ક્રાઈમબ્રાન્ચનો ભાંડો ફૂટયો?
અત્યાર સુધી પોલીસ હપ્તા ઉઘરાવે છે તેવું સાંભળ્યું હતું.બોર્ડર પાર કરાવવા માટે લાખો રૂપિયા લે છે તે સાંભળ્યું હતું.પરંતુ હવે એ પણ નરી આંખે જોઈ લીધું કે, ગુજરાતના યુવાનોને નશાના રવાડે પણ પોલીસ જ ચડાવી રહી છે.રાજકોટની સમગ્ર ઘટના અંગે વાત કરીએ તો.અમદાવાદથી દારૂ ભરેલી ટ્રક નીકળ્યાની માહિતી રાજકોટ ક્રાઈમબ્રાન્ચને મળી હતી.જે બાદ મહિલા PSI ભાવના કડછા અને તેની ટીમ ખાનગી કારમાં સાયલા પહોંચી હતી.અને નિયત નંબર વાળો ટ્રક નજરે ચડતા તેને ઝડપી લીધો હતો.નિયમ પ્રમાણે ક્રાઈમબ્રાન્ચે સાયલા પોલીસને જાણ કરવાની હતી.પરંતુ ક્રાઈમબ્રાન્ચની ટીમે બદઈરાદા સાથે ટ્રક સહિત ડ્રાઈવરનું અપહરણ કર્યું. રાયલાથી ટ્રકને 80 કિલોમીટર દૂર રાજકોટની હદમાં લાવવામાં આવ્યો.અને માલિયાસણ નજીક હોટલમાં ટ્રકને રોકાવી વહીવટ શરૂ કરવામાં આવ્યો હતો.પરંતુ વહીવટ થાય તે પહેલા જ ટ્રકનો પીછો કરી રહેલ સ્ટેટ મોનીટરીંગ સેલની ટીમ ત્યાં પહોંચી ગઈ.અને આખા વહીવટનો જ પર્દાફાશ થઈ ગયો.જે બાદ ક્રાઈમબ્રાન્ચની ટીમને સાયલા પોલીસમથકે લઈ જવામાં આવી.અને સમગ્ર મામલે ગુનો નોંધીને તપાસ હાથ ધરાઈ છે.
VTVના ગુજરાતીના સવાલ
શું ગુજરાતની પોલીસ પૈસા માટે આટલી નીચી કક્ષાનું કામ કરી શકે છે?
શું ગુજરાતની પોલીસ જ યુવાનોનું જીવન બર્બાદ કરી રહી છે?
નશાના કારોબારમાં રાજકોટ પોલીસનો કેટલો ભાગ છે?
રાજકોટ ક્રાઈમબ્રાન્ચ સાયલા કેવી રીતે પહોંચી?
દારૂ ભરેલો ટ્રક ઝડપાયો તો સાયલા પોલીસને કેમ જાણ ન કરી?
ટ્રકમાંથી સામે ઝડપાઈ 400 દારૂની પેટી
કૅખ્યાત બૂટલેગર સૌરભ ચંદારાણાનો દારૂનો જથ્થો હોવાનું આવ્યું સામે
આજે એકવાતનો ચોક્કસથી અંદાજ આવી ગયો છે કે, અધકિારીઓ કેવી રીતે ઓછા પગારમાં પણ આલિશાન જિંદગી જીવે છે.અને તેમની પાસે કરોડોની સંપત્તિ ક્યાંથી આવી જાય છે.રાજકોટની આ ઘટના બાદ સવાલ એ થાય છે કે, શું ગુજરાતની પોલીસ પૈસા માટે આટલી નીચી કક્ષાનું કામ કરી શકે છે? શું ગુજરાતની પોલીસ જ યુવાનોનું જીવન બર્બાદ કરી રહી છે? નશાના કારોબારમાં રાજકોટ પોલીસનો કેટલો ભાગ છે? રાજકોટ ક્રાઈમબ્રાન્ચ સાયલા કેવી રીતે પહોંચી? દારૂ ભરેલો ટ્રક ઝડપાયો તો સાયલા પોલીસને કેમ જાણ ન કરી? રાજકોટ ક્રાઈમબ્રાન્ચને કેટલા રૂપિયાનો વહીવટ કરવાનો હતો? શું આવા પોલીસ અધકિારીઓ ગુજરાતની સુરક્ષા કરશે.? એવું લાગે છે કે, જેના હાથમાં ગુજરાતની સુરક્ષાની જવાબદારી છે તેઓ ખુદ ગુનેગારો છે.તેવામાં સુરક્ષાની આશા જ કોની પાસે રાખવી.આ ઘટના પોલીસબેડાને શર્મસાર કરનારી છે.ત્યારે જોવાનું એ રહેશે કે, આવા અધકિારીઓ સામે કોઈ કડક કાર્યવાહી થાય છે કે, નહીં.