સુરેન્દ્રનગરના એછવાડા નજીક ડીઝલ ભરેલું એક ટેન્કર પલટી મારી ગયું છે. મળતી માહિતી પ્રમાણે ટેન્કર પલટી મારી જતા હજારો લીટર ડીઝલ રોડ પર ઢોળાયું છે. જોકે જોત-જોતામાં માહોલ એવો જોવા મળ્યો કે જેમ પાણી માટે પડાપડી થતી હોય તેમ અહીં ડીઝલ માટે લોકો પડાપડી કરી રહ્યા હતા.
કોઈ કેન લઈને તો કોઈ સ્ટિલના વાસણો લઈને ડીઝલ ભરી રહ્યું હતું. કોઈ-કોઈ તો પોતાની ગાડીઓ લઈને જ ડીઝલ ભરવા માટે પહોચી ગયું હતું.. મહિલાઓથી માંડી પુરુષો પણ ડીઝલ ભરી લઈજઈ રહ્યા હતા.. અને લઈપણ કેમ ન જાય. મોંઘુ ડીઝલ મફતના ભાવે મળતું હોય તો મોકો કોણ મુકવાનું હતું.
#BREAKING#Surendranagar ના પાટડીના એછવાડા નજીક ટેન્કર પલટ્યું
ડીઝલ ભરેલું ટેન્કર પલટી થતાં દોડધામ
હજારો લીટર ડીઝલ રોડ પર જ ઢોળાયુ
ઢોળાયેલુ ડીઝલ લેવા ગ્રામજનોની પડાપડી
કેન સ્ટીલના વાસણો સાથે ગ્રામજનો ઉમટ્યા pic.twitter.com/Ku8ogknzNK
ઉલ્લેખનીય છે કે પાટડી જિલ્લાના બહુચરાજી હાઇવે પર આવેલ એછવાડા ગામ પાસે રાત્રિના સમયે ડીઝલ ભરેલું ટેન્કર લઇને પસાર થઇ રહ્યું હતું. ત્યારે સામેંથી આવતા વાહનોની લાઇટોથી અંજાઇ જતા ટેન્કર ચાલકે અચાનક સ્ટીયરીંગ પરનો કાબુ ગુમાવી દેતાં ટેન્કર રોડ નીચે ઉતરી જઇને પલ્ટી ખાઇ ગયું હતું.
જો કે આ ઘટનાની જાણ આસપાસના લોકોને થતાં તેઓ દોડી આવ્યા હતા અને ડીઝલ ભરવા માટે લોકો પડાપડી કરી હતી. જો કે સદનસીબે આ ઘટનામાં કોઇ જાનહાની થઇ નહોંતી.