લાંચ લેતો કોન્સ્ટેબલ ACBના હાથે ઝડપાયો પોલીસ બેડામાં મચી ચકચાર

સુરેન્દ્રનગરમાં પોલીસ કોન્સ્ટેબલ લાંચ લેતા ઝડપાયો છે. મળતી માહિતી પ્રમાણે બાતમીના આધારે ACBએ બામણબોર પોલીસ સ્ટેશનના પોલીસ કોન્સ્ટેબલને 2 લાખ રૂપિયાની લાંચ લેતા રંગે હાથ ઝડપી પાડ્યો છે.

એવી પણ માહિતી સામે આવી છે કે કોન્સ્ટેબલ પ્રતાપસિંહ પરમાર PSI કે.કે.કલોત્રા વતી લાંચ લઈ રહ્યો હતો. આ લાંચ પ્રોહીબીશનના કેસમાં માર નહીં મારવા માટે બુટલેગરના સાગરીતો પાસેથી માગવામાં આવી હતી.

આ મામલે મળતી જાણકારી મુજબ બામણબોર પોલીસ સ્ટેશનમાં ફરજ બજાવતા કોન્સ્ટેબલ પ્રતાપસિંહ પરમારે લાંચ પ્રોહિબીશનના કેસમાં માર નહી મારવા માટે બુટલેગરના સાગરીતો પાસેથી 2 લાખ રૂપિયાની લાંચની માંગણી કરી હતી.

જો કે આ ઘટનાની જાણ ACBને કરવામાં આવતા એન્ટી કરપ્શન બ્યૂરોના ઉચ્ચ અધિકારીઓએ ગતરોજ આરોપીને રંગેહાથ ઝડપી લેવા માટે છટકૂં ગોઠવતા તે ઝડપાઇ ગયો હતો. 

જો કે આ લાંચ તેણે PSI કે.કે.કલોત્રા વતી લીધી હોવાનું પ્રાથમિક તપાસમાં બહાર આવતા ACBએ તેની ધરપકડ કરીને પ્રાથમિક તપાસ હાથ ધરી છે. 2 લાખ જેટલી લાંચની રકમ બામણબોર પોલીસ મથકના કોન્સ્ટેબલે બુટલેગરને પ્રોહીબીશનના કેસમાં માર નહીં મારવા માટે લીધી હોવાનું બહાર આવ્યું હતું.