સુરેન્દ્રનગરના વઢવાણના ભાજપના શહેરમંત્રી દિપક વાણીયા વિવાદમાં સપડાયા છે. વઢવાણના શહેરમંત્રીએ વોટ્સએપ ગ્રુપમાં પોતાના બિભત્સ ફોટા પોસ્ટ કર્યા છે. દિપક વાણીયાએ ગરવી ગુજરાત બીજેપી ગુજરાત નામના વોટ્સએપ ગ્રુપમાં ફોટા વાયરલ થયા છે. સોશિયલ મીડિયામાં દિપક વાણીયાના ફોટા વાયરલ થતા ચકચાર મચી છે. આ ગ્રુપમાં સ્થાનિક ભાજપના હોદ્દેદારો અને આગેવાનો ગ્રુપમાં સભ્ય છે.
ઉલ્લેખનીય છે કે આ ઘટના અંગે મળવી વિગત અનુસાર સુરેન્દ્રનગર જિલ્લાના વઢવાણ શહેરના ભાજપના શહેરમંત્રીના કેટલીક સ્ત્રીઓ સાથેના બિભત્સ ફોટોગ્રાફ્સ આજરોજ ગરવી ગુજરાત નામના એક વ્હોટસેપ ગ્રુપમાં ફરતા થતા હાહાકાર મચી જવા પામ્યો હતો. જો કે આ ફોટોગ્રાફ્સ ટૂંક સમયમાં જ ડીલિટ કરી દેવાયા હતા.
આપને જણાવી દઇએ કે સુરેન્દ્રનગર જિલ્લામાં ચાલી રહેલા સ્થાનિક ગરવી ગુજરાત ગ્રુપમાં ભાજપના નેતાના અંગત ફોટોગ્રાફ્સ ફરતા થતાં સંગઠનના સભ્યોમાં ખાનગી રીતે ચર્ચાઓ શરૂ થઇ હતી કારણ કે આ ગ્રુપમાં ભાજપના સ્થાનિક નેતાઓ અને હોદ્દેદારોનો સમાવેશ થાય છે.
જો કે આ લખાઇ રહ્યું છે ત્યાં સુધી આ ફોટોગ્રાફ્સમાં ભાજપના નેતા સાથે દેખાઇ રહેલી યુવતીઓ કોણ છે તે જાણી શકાયું નથી.પરંતુ હાલ તો સુરેન્દ્રનગર ભાજપના રાજકારણમાં ગરમાવો ફેલાઇ જવા પામ્યો છે.