વિજેતા / એશિયન પાવર લિફ્ટિંગમાં વધ્યુ સુરતનું ગૌરવ, પિતા-પુત્રીએ જીત્યા મેડલ

હોંગકોંગમાં એશિયન પાવર લિફ્ટિંગ ચેમ્પિયનશીપમાં પિતાપુત્રીએ ભાગ લઈને મેડલ જીત્યા હતા અને ગુજરાતનું ગૌરવ વધાર્યું હતું. ત્યારે મેડલ જીતીને પરત ફરનાર પિતા-પુત્રીનું સન્માન કરવામાં આવ્યું છે.

એશિયન પાવર લિફ્ટિંગમાં ગયેલ ગુજરાતના પ્રકાશ સાંગલે અને તેમની દીકરી અંજલિ સાંગલેએ જ ભાગ લીધો હતો. 47KG બોડી વેઈટમાં અંજલિએ 275 KG વેઈટ લિફ્ટ કરીને ગોલ્ડ મેડલ જીત્યો હતો. જ્યારે પ્રકાશ સાંગલેએ 410 KG વેઈટ લિફ્ટ કરીને સિલ્વર મેડલ જીત્યો હતો.

મહત્વનું છે કે મેડલ જીતનાર સાંગલે પરિવાર મૂળ મહારાષ્ટ્રના ઈંદાપુર, માનગાંવના રહેવાસી છે. તેમનો પરિવાર વર્ષોથી સુરતના વેડરોડ ખાતે સ્થાયી થયો છે. મેડલ જીતનાર પ્રકાશ સાંગલે બેન્ક ઓફ બરોડામાં નોકરી કરે છે. જોકે ત્રણ વર્ષથી દીકરી અંજિલ સાંગલેએ પાવર લિફ્ટીંગમાં કરિયર બનાવવાની શરૂઆત કરી હતી.