Surat / VIDEO: હમે પાંડેસરા કા ભાઈ બનના હૈ: સુરતમાં ડંડા લઈને તૂટી પડ્યા ગુંડાઓ, કારણ જાણી ચોંકી જશો

સુરતમાં કાયદો અને વ્યવસ્થા કથળી

સુરતમાં દિવસે ને દિવસે કાયદો અને વ્યવસ્થા કથળી રહ્યા હોય તેવી સ્થિતિનું નિર્માણ થઈ રહ્યું છે. ક્રાઇમનું હબ બની રહેલું સિટી હવે સભ્ય સમાજના નાગરિકો માટે ભય અને ત્રાસ ઊભો કરી રહ્યું હોય તેવી લાગી રહ્યું છે. 

ઈન્સ્ટાગ્રામમાં વીડિયો અપલોડ કરવો એક યુવકને ભારે પડ્યો
તાજેતરમાં બનેલી એક ઘટનામાં સાવ નજીવું લાગતું કારણ મોટા ઝઘડા માટે જવાબદાર બન્યું હતું. ઘટના જાણે એમ બની હતી કે 4 શખ્સોએ ઇન્સ્ટાગ્રામ પર વીડિયો અપલોડ કરનાર એક યુવકને માર માર્યો હતો. 

પાંડેસરાના ગાયત્રીનગરની ઘટના
ગાયત્રીનગરની ઘટનામાં અંકિત ઉર્ફે કાલિયા નામના શખ્સે ઇન્સ્ટાગ્રામ પર વીડિયો અપલોડ કર્યો હતો. આ વિડિયોના કારણે નામે સોનુ, હિમાંશુ, મંગલ અને અભિષેક ઉર્ફે બબુ નામના યુવકોએ વિડીયો અપલોડ કરનાર યુવકને માર માર્યો હતો.

આ અસામાજિક તત્વો લાકડીઓ લઈને ઉતરી પડ્યા હતા અને ડંડા વડે ઢોર માર માર્યો હતો.  સાથે આ અસામાજિક તત્વોએ પથ્થરમારો પણ કર્યો હતો. સાથે તેમણે ઈન્સ્ટાગ્રામમાં ફરી વીડિયો અપલોડ ન કરવાની ધમકી પણ આપી હતી. 

હમે પાંડેસરા કા ભાઈ બનના હૈ
પાંડેસરાના ડૉન બનવાની કરી વાત કરનાર આ ચારેય શખ્સોએ પોતાને પાંડેસરાના ડૉન ગણાવ્યા હતા. ઉલ્લેખનીય છે કે આ ઘટના પાંડેસરાના ગાયત્રીનગરની ઘટના છે. જો કે તેમની આ દાદાગીરી CCTVમાં કેદ થઈ ગઈ હતી.