સુરતમાં રાજ્યના આરોગ્ય મંત્રી કુમાર કાનાણીના પુત્ર પ્રકાશ કાનાણી અને મહિલા કોન્સ્ટેબલ વચ્ચે વિવાદ થયો હતો. જેમાં પ્રકાશ કાનાણી અને તેના મિત્રોનો મહિલા કોન્સ્ટેબલ સાથેનો સૌ પહેલા ઓડિયો વાયરલ થયો હતો. ત્યારબાદ આ વિવાદને લઇને અન્ય બે વીડિયો સામે આવ્યાં હતા. જો કે હવે આ વિવાદને લઇને શહેરની પોલીસે વરાછા પોલીસ સ્ટેશનમાં રાજ્યના આરોગ્ય મંત્રી કુમાર કાનાણીના પુત્ર પ્રકાશ કાનાણી સામે ફરિયાદ નોંધી છે. પ્રકાશ કાનાણી અને તેમના 2 મિત્રો સામે 8 જુલાઇના રોજ કર્ફ્યું ભંગ કરી હોવાની ફરિયાદ કરવામાં આવી છે.
સુરતમાં મહિલા મહિલા કોન્સ્ટેબલ અને મંત્રીના વિવાદનો મામલો
વરાછા પોલીસ સ્ટેશનમાં મંત્રીના દીકરા પ્રકાશ કાનાણી સામે ફરિયાદ
પ્રકાશ કાનાણી અને તેમના સાગરીતોની સામે થઈ ફરિયાદ
સુરતમાં મહિલા કોન્સ્ટેબલ અને મંત્રીના વિવાદ થયો હતો. વરાછા પોલીસ સ્ટેશનમાં મંત્રી કુમારના દીકરા પ્રકાશ કાનાણી સામે ફરિયાદ થઈ છે. પ્રકાશ કાનાણી અને તેમના 2 મિત્રો સામે 8 જુલાઈના રોજ કર્ફ્યૂ ભંગ કરી હોવાની ફરિયાદ કરવામાં આવી છે. ત્રણેય લોકો સામે IPC સેક્શન 188, 269, 114 મુજબની ફરિયાદ થઈ છે. પોલીસે ત્રણેય લોકોની અટકાયત કરીને કાર્યવાહી હાથધરી છે.
સુરતમાં મહિલા કોન્સ્ટેબલ સુનિતા યાદવ અને પ્રકાશ કાનાણીની વચ્ચેના બબાલના વીડિયો બાદ પોલીસ ફરિયાદ નોંધાઈ હતી. ત્યારે હવે પ્રકાશ કાનાણી અને તેમના મિત્રોનો જામીન પર છુટકારો થયો છે. પ્રકાશ કાનાણી સહિતના તમામ લોકોને જામીન મળ્યા છે. 8 જુલાઈએ કર્ફ્યૂ દરમિયાન મહિલા કોન્સ્ટેબલે પ્રકાશ કાનાણીના મિત્રોને રોક્યા હતા.
પ્રકાશ કાનાણીના વિવાદ મામલે કુમાર કાનાણીએ નિવેદન આપ્યુ હતું કે, જો મારા દીકરાએ કાયદાનો ભંગ કર્યો હોય તો કાર્યવાહી કરો. મહિલા પોલીસકર્મીના વર્તન પર કાનાણીએ સવાલ ઉઠાવ્યા.
તેમણે જણાવ્યુ કે, મહિલા પોલીસકર્મીએ જાહેરમાં અપશબ્દો કહ્યા હતા. મહિલા પોલીસકર્મીએ રેકોર્ડિંગને 3-4 ટુકડા કરીને વાયરલ કર્યુ છે. જેથી સત્ય વાત લોકો સામે આવી શકી જ નથી.આ સમગ્ર મામલે પોલીસ તપાસ કરી રહી છે.