Suicide / લો બોલો! સુરતમાં મહિલાએ ઓછી હાઈટને કારણે કરી લીધો આપઘાત

• હાઈટ ન વધતા કરી લીધો આપઘાત
• બજારમાં મળતી ઉંચાઈ વધારવાની દવાઓથી વધ્યુ ડિપ્રેશન
• આર્યુવેદિક દવા અને ચરી પાડવાથી પણ ન વધી ઊંચાઈ

સુરતના સચીન GIDC વિસ્તારમાં રહેતી આફરીન નામની મહિલા છેલ્લા કેટલાય દિવસથી પોતાની ઉંચાઈને લઈને ચીંતીત હતી. તેણે પોતાનાજ ઘરની છતના પંખા ઉપર ગળાફાંસો ખાઈને આપઘાત કરી લીધો છે. તેનો પતિ અનવર પોતાનો ફોટોગ્રાફી સ્ટુડિયો ચલાવે છે. આફરીને અનવરને બજારમાંથી ટોઈલેટ ક્લિનર લેવા મોકલ્યો હતો અને પોતે અંતિમ પગલુ ભર્યુ હતુ. 

શું કહે છે પરિવાર

અનવર અને તેના પરિવારે પોલીસને જણાવ્યું કે આફરીન તેની હાઈટને લઈને ખુબ ચિંતિત રહેતી હતી. આફરીનની ઉંચાઈ લગભગ 3.9 ફૂટ હતી જ્યારે અનવરની ઉંચાઈ 5.4 ફૂટ છે. આફરીન વારે વારે પોતાને બટકી હોવાનું કહીને ચિંતા કર્યા કરતી હતી. 

ઊંચાઈ વધારવાના આર્યુવેદિક પાવડર પણ ખાતી

તે પોતાની ઊંચાઈ વધારવા માટે માર્કેટમાં મળતા હાઈટ વધારવાના પાવડર લઈ આવી હતી પણ તેમ છતાં તેને કોઈ પરિણામ ન મળતા તેનું ડિપ્રેશન ઓર વધી જતુ. 

શું કહે છે અનવર

આફરીન એક પ્રખ્યાત બ્રાન્ડના અશ્વગંધા ચુરણની 3 બોટલ દવા તરીકે લઈ ચુકી હતી પરંતુ તેની ઉંચાઈ વધી નહતી અને તે વારેવારે કહેતી હતી કે, મારી હાઈટ કેમ નથી વધતી? તે આ માટે ચુસ્ત ચરી પાડતી તેમ છતાં તેની ઉંચાઈ નહોતી વધતી.