સુરતઃ શહેરમાં રહેતી પરિણિતાએ પોતાનાં પતિની કરતૂતનો ભાંડો છેક અમેરિકા જઈને ખુલ્લો પાડ્યો છે. સુરતની આ પરિણિતાએ પોતાનાં જ પતિને અમેરિકામાં પ્રેમિકા સાથે ઝડપી પાડ્યો છે. પતિ અમેરિકામાં જઇને કોઈ અન્ય મહિલા સાથે જલસા કરી રહ્યો હોવાની માહિતી મળતાં જ પત્ની પોતાનાં સ્વજનો સાથે અમેરિકા પહોંચી ગઈ હતી.
લગ્નેત્તર સંબંધનાં અનેક અણબનાવો સામે આવતાં હોય છે. જેમાં પતિએ પત્નીને દગો આપ્યો અથવા તો પત્નીએ પતિને દગો આપ્યો જેવી અનેક ઘટનાઓ તો સામે આવતી હોય છે. ત્યારે આવી જ એક ઘટનામાં પત્નીને પોતાનાં પતિએ જ દગો આપ્યો હોવાંની જાણ થતાં જ પત્નીએ તેનો અમેરિકામાં જઇને ભાંડો ફોડ્યો હોવાંની એક ઘટના સામે આવી છે.
પતિ પત્ની અને ઔર વો નો એક કિસ્સો સામે આવ્યો છે. સુરતમાં રહેતી પરિણિતાને જ્યારે ખબર પડી કે તેનો પતિ પોતાની પ્રેમિકા સાથે અમેરિકામાં રંગરેલીયા મનાવી રહ્યો છે. ત્યારે પરિણિતાથી રહેવાયું નહીં અને તે પોતાનાં સ્વજનોને લઈને અમેરિકા પહોંચી.
અમેરિકાની હોટલમાં પહોંચ્યાં બાદ જે દ્રશ્યો જોવા મળ્યાં તે જોઈને પરિણિતા સહિત તમામ લોકો ચોંકી ઉઠ્યાં. પોતાનાં પતિને અન્ય યુવતી સાથે રંગરેલીયા મનાવતા જોઈને પત્નીનો ગુસ્સો સાતમાં આસમાને પહોંચ્યો. ત્યારે પતિ-પત્ની અને પ્રેમિકાનાં હોબાળાનો વીડિયો પણ સોશિયલ મીડિયામાં વાયરલ થયો છે.