ગુજરાતમાં શિક્ષણની વાત આવે એટલે ભુલો અને છબરડા તો થાય જ થાય. ક્યારેક પરીક્ષા આવે તોય જનરલ છપાઈને ન આવે ક્યારેક પાઠ્ય પુસ્તકમાં ભુલોના ભંડાર છાપી દેવામાં આવે. પસ્તીના ભાવે પુસ્તકો બારોબાર વેચી મારવામાં આવે તો ક્યારે યુનિવર્સિટી પરીક્ષાના ટાઈમટેબલ જ ન આપે બોલો. દક્ષિણ ગુજરાત યુનિવર્સિટીનું આવુ જ એક બ્લન્ડર સામે આવ્યુ છે જેને પગલે લાખો વિદ્યાર્થીઓ પરેશાન થઈ રહ્યા છે. ગુજરાત સરકારને તો શિક્ષણના ખાનગીકરણમાં જ રસ છે. સરકારી શાળા કોલેજો રામભરોસે છે.
વીર નર્મદ દક્ષિણ ગુજરાત યુનિ.નો વધુ એક છબરડો
રેઢિયાળ કારોભારનો ઉત્તમ નમુનો
પરીક્ષા ટાઇમ ટેબલ ગોઠવવાનું ભુલી ગયા
સુરતની વીર નર્મદ દક્ષિણ ગુજરાત યુનિવર્સીટીનો વધુ એક છબરડો. યુનિ.ના રેઢિયાળ કારોભારનો ઉત્તમ નમુનો સામે આવ્યો. વિદ્યાર્થીઓના પરીક્ષા ટાઇમ ટેબલ ગોઠવવાનું ભુલી ગયા. દર વર્ષે જાન્યુઆરી માસમાં ટાઇમ ટેબલ ગોઠવાય છે. દોઢ લાખ જેટલા વિદ્યાર્થીઓના ભાવિ સામે યક્ષ પ્રશ્ન થયા છે.
ભુલોની હારમાળા
યુનિવર્સિટીની આ એક માત્ર ભૂલ નથી પરંતુ આવી ભૂલોની તો શિક્ષણ વિભાગમાં હારમાળા છે. વિદ્યાર્થીઓનું ભવિષ્ય તેમને મન જાણે રમત વાત હોય તેવી બેદરકારી અને લાપરવાહી વારંવાર શિક્ષણ વિભાગ દ્વારા કરવામાં આવે છે અને આ અંગે પ્રશ્નો ઉઠે તો ભીનું જ સંકેલી લેવાની કોશિશ કરવામાં આવે છે.
ગુજરાત સરકારની રહેમ નજર
ગુજરાત સરકારને પણ શિક્ષણનું ખાનગીકરણ કરવામાં જ રસ છે. પોતાની માથે કોઈ જવાબદારી રાખવા સરકાર તૈયાર જ નથી. એટલે જ ખાનગી કરતા સરકારી સ્કુલો, કોલેજો વધુ મનમાની અને રેઢિયાળ છે.