સુરતના બારડોલી-હરીપુરા કોઝવે પાસે અતી દુર્લભ જળ બિલાડી કેમરામાં કેદ થઇ હતી.જે અંગેનો વીડિયો સોશિયલ મીડિયામાં વાયરલ થયો છે.
સુરતમાં દુર્લભ જળ બિલાડી કેમરામાં કેદ
બારડોલી હરીપુરા કોઝવે પાસે અતી દુર્લભ જળ બિલાડી દેખાઈ
ચાર જેટલી જળ બિલાડી બ્રિજ ક્રોસ કરી પાણીમાં કૂદતી દેખાઈ
સુરતમાં દુર્લભ જળ બિલાડી કેમરામાં કેદ થઇ છે. ભારે વરસાદને પગલે તાપી નદીમાં પાણીની પુષ્કળ આવક નોંધાઈ હતી. જેને લઈને હરીપુરા બ્રિજ નજીક જળરાશી પહોંચી હતી. આ દરમિયાન બારોડોલી-હરીપુરા કોઝવે પર એક સાથે ચાર જેટલી દુર્લભ જળ બિલાડી દેખાઈ હતી. આ વેળાએ દુર્લભ જળ બિલાડી કેમેરામાં કેદ થઇ હતી. ચાર જેટલી જળ બિલાડીઑ હરીપુરા બ્રિજ પાર કરીને પાણીમાં કૂદતી જોવા મળી હતી.તાપી નદીમાં પાણીની આવક થતા હરિપુરા બ્રિજ પરથી પાણી પસાર થઈ રહ્યું છે તે વેળાએ જળ બિલાડીઑ પાણીમાં કૂદતી વીડિયોમાં દ્રશ્યમાન થાય છે. જેનો વીડિયો પણ સોશિયલ મીડિયામાં ધૂમ વાયરલ થયો છે. જુઓ વીડિયો...
જળ બિલાડીઓની સંખ્યામાં વધારો થતું એક માત્ર શહેર એટલે સુરત
નોંધનીય છે કે ગુજરાતમાં લુપ્તતાને આરે ઊભેલી જળ બિલાડી મોટા ભાગે સુરતમાં વધુ જેવા મળતી હોય છે તેમાં પણ સમગ્ર દેશના આશરે 510 જેટલા પ્રાણી સંગ્રહાલયમાં સુરત એક માત્ર એવું શહેર છે જ્યાં જળ બિલાડીઓની સંખ્યામાં સતત વધારો થઇ રહ્યો છે. જે સરથાણા નેચર પાર્ક ઉપરાંત ગવિયર લેક ખાતે આશરે સાત માસ અગાઉ જોવા મળી હતી.