ફરીથી લોન સ્કેમ સામે આવ્યુ છે. હયાત જ ન હોય તેવા વાહનો ઉપર લોન આપી દેવામાં આવી છે. એટલું જ નહી પણ બોગસ દસ્તાવેજો ઉપર વીમો પણ લેવામાં આવ્યો છે.
શહેરમાં વધુ એક લોન કૌભાંડ
હયાત ન હોય તેવા વાહનો પર લીધી લોન
બોગસ દસ્તાવેજથી વીમો પણ લેવાયો
સુરત શહેરમાં વધુ એક લોન કૌભાંડ સામે આવ્યું છે. હયાત ન હોય તેવા વાહન પર લોન લેવામાં આવી. જેમાં બોગસ દસ્તાવેજ, ખોટી વીમા પોલિસી બનાવીને 5.68 કરોડની લોન લેવામાં આવી છે. હયાત ન હોય તેવા 32 વાહનો પર લોન લેવામાં આવી છે.
24 લોકો વિરુદ્ધ ગુનો દાખલ કરીને તપાસ હાથ ધરવામાં આવી
ટ્રક, ડમ્પર અને લકઝરી બસ જેવા વાહન પર લોન લેવામાં આવી હતી. અને બાદમાં હપ્તો બંધ થતા કૌભાંડ સામે આવ્યું છે. ટોળકીનો માસ્ટર માઈન્ડ ઈર્ષાદ કાલુભાઈ પઠાણ છે. આરોપી ઈર્ષાદ સહિત 24 લોકો વિરુદ્ધ ગુનો દાખલ કરીને તપાસ હાથ ધરવામાં આવી છે.