બાળકી રમતા રમતા બહાર નીકળી જતા થઈ હતી ગુમ, વરાછા પોલીસની જહેમત બાદ આખરે બાળકીનો પરિવાર મળ્યો
સુરતમાં ગુમ થયેલી બાળકી મળી આવી
પોલીસે બાળકીને પરિવારને સોપી
મિલાપ થતાં હૃદયસ્પર્શી દ્રશ્યો સર્જાયા
ગુજરાતમાં બાળ તસ્કરીના કિસ્સાઓ અનેક ગણા વધી ગયા છે. નાની વયની બાળકીઓ અને બાળકો ગુમ થવાની કેટલીય ઘટનાઓ સામે આવી ચૂકી છે. જેને ડામવા પોલીસ પણ દિવસ રાત એક કરી રહી છે. ત્યારે સુરતમાં 3 વર્ષની ગુમ થયેલી બાળકીનું ફરી માતા સાથે મિલન થતાં કરૂણ દુશ્યો સર્જાયા હતા.
સ્થાનિકોને બાળકી મળી આવતા પોલીસને સોંપી હતી
સુરતના વરાછામાં 3 વર્ષની ગુમ બાળકીનો પરિવાર સાથે મિલાપ કરાવવામાં આવ્યો છે. જો ઘટનાની વાત કરીએ તો બાળકી રમતા રમતા બહાર નીકળી ગઈ હતી. જે બાદ પરિવારે તેની ઘણી શોધખોળ હાથ ધરી હતી. સદનસીબે ખેલ ખેલમાં ગુમ થયેલી બાળકી સ્થાનિકોને મળી આવી હતી. જ્યાં તેની થોડી પૂછપરછ બાદ ભૂલી પડી હોવાથી તેણે પોલીસને સોંપવામાં આવી હતી.
બાળકીનો ફોટો લઈને પોલીસે માતા-પિતાની શોધખોળ આરંભી હતી
પોલીસને બાળકી સોંપવામાં આવતા વરાછા પોલીસ સ્ટેશનના જવાનાઓ બાળકીના પરિવારની શોધખોળ માટે ભારે જહેમત હાથ ધરી હતી. બાળકીના માતા-પિતાની સમગ્ર શહેરમાં શોધખોળ શરૂ કરી હતી. અને બાળકીનો ફોટો લઈને પોલીસે આસપાસના વિસ્તારોમાં સધન પૂછપરછ હાથ ધરી હતી. જે બાદ બાળકીના માતા પિતાનો પત્તો લાગ્યો હતો. તેમણે પોલીસ સ્ટેશન બોલાવી કાયદાકીય પ્રક્રિયા પૂર્ણ કરી તેણે પરિવારને સોંપવામાં આવી હતી.
માતા અને બાળકીનો મિલાપ થતા હૃદયસ્પર્શી દ્રશ્યો સર્જાયા
3 વર્ષની બાળકી પરિવારના લોકોને જોઇ ડૂસકે અને ડૂસકે રળી પડી હતી. પરિવારના સભ્યોને પણ ખુશીના આસું આવી જતા થોડી ક્ષણ માટે પોલીસ સ્ટેશનમાં માતા અને બાળકીનો મિલાપ થતા હૃદયસ્પર્શી દ્રશ્યો સર્જાયા હતા. પરિવારએ વરાછા પોલીસની કામગીરીને વખાણી પોલીસ જવાનોનો ખૂબ આભાર માણ્યો હતો.
પોલીસે તેમના માતા-પિતા સાથે બાળકીનું ફરી મિલન કરાવ્યું હતું. પોલીસે તમામ પ્રક્રિયા અને મેડિકલ રિપોર્ટની કામગીરી પણ પૂરી કરી હતી. બાળકી જ્યારે માતાને મળી તો કરૂણ દુશ્યો સર્જાયા હતા.