VIDEO: સુરતમાં પોલીસ ચોકી નજીક યુવકની જાહેરમાં હત્યા ઘટના CCTVમાં કેદ

સુરતના ઉધના વિસ્તારમાં એક યુવકની ખુલ્લેઆમ હત્યા થયાની ઘટના બની હતી. સમગ્ર ઘટનાના સીસીટીવી ફુટેજ બહાર આવ્યા હતાં. એક યુવકને આંતરીને તીક્ષ્ણ હથીયારના ઉપરાછાપરી ઘા મારીને મોતને ઘાટ ઉતારી દેવાયો હતો. BRC પોલીસ ચોકીની હદમાં આ બનાવ બન્યો હતો. રથયાત્રાના ચુસ્ત બંદોબસ્તના દાવા હોવા છતાં એક યુવકની ખુલ્લેઆમ હત્યા થઇ હતી. જેથી અનેક સવાલો ઉભા થયા હતાં. પરંતુ પોલીસે ગણતરીના
કલાકોમાં બે આરોપીની ધરપકડ કરી છે. હત્યાનો એક આરોપી હજૂ પકડાયો નથી.  



સુરતમાં ખુલ્લેઆમ યુવકની હત્યા કરવાની ઘટના સામે આવી છે. આ બનાવનો વીડિયો સોશિયલ મીડિયામાં પણ વાયરલ થયો છે. જે રૂટ પરથી રથયાત્રા પસાર થવાની હતી તે રૂટ પર જ યુવકની તીક્ષ્ણ હથીયારના ઘા ઝીંકીને હત્યા કરવામાં આવી હતી.

જે વિસ્તારમાં યુવકની હત્યા કરાઈ તે વિસ્તારમાંથી રથયાત્રા પસાર થવાની હતી. જેને લઈ ચુસ્ત પોલીસ બંદોબસ્ત પણ ગોઠવવામાં આવ્યો હતો. આટલુંજ નહીં જે વિસ્તારમાં યુવકની હત્યા કરાઈ ત્યાંથી 200 મીટરના અંતરે  BRC પોલીસ ચોકી આવી છે. ચુસ્ત પોલીસ બંદોબસ્ત અને પોલીસ ચોકી નજીક યુવકની હત્યા કરાતા સુરક્ષા સામે અનેક સવાલો ઉભા થયા છે.