વાયરલ / ગુજરાતમાં બિહારવાળી: સુરતમાં ધોળા દિવસે ફિલ્મી સ્ટાઈલમાં ટ્રક ડ્રાઇવરનું કિડનેપિંગ, જુઓ VIDEO

• સુરતમાં ધોળા દિવસે ટ્રક ડ્રાઈવરનું અપહરણ
• ગુજરાતમાં બિહાર જેવાં દ્રશ્યો સર્જાયા
• ટ્રક ચાલકનો 5થી 6 મહિનાનો પગાર બાકી હોવાનો આરોપ

સુરતમાં અસામાજિક તત્વોને જાણે કે હવે કાયદાનો ભય જ નથી રહ્યો. સુરતમાં ખુલ્લેઆમ કેટલાંક અસામાજિક તત્વોએ ધોળા દિવસે ટ્રક ડ્રાઈવરનું અપહરણ કર્યું છે. જેનો વીડિયો વાયરલ થયો છે. ટ્રક ડ્રાઈવર રાજપીપળાના બોધેલીથી રેતી ભરેલી ટ્રક લઈને આવતો હતો. એ દરમિયાન ડ્રાઈવરને 5થી 6 મહિનાનો પગાર ન મળતા ડ્રાઇવરે રાજપીપળા હાઈ-વે પર ટ્રક અટકાવી દીધી. આથી વિજય નાગેશ્રી નામના ટ્રક માલિકે અન્ય 2 લોકો સાથે મળીને ડ્રાઈવરનું ધોળા દિવસે અપહરણ કર્યું. અપહરણ કરતી વેળાએ આરોપીઓએ ડ્રાઈવરને માર પણ માર્યો છે. બાદમાં તેને જબરદસ્તીથી ડેકીમાં બેસાડી દીધો હોવાનો વીડિયો વાયરલ થયો છે.

ગુજરાતમાં કાયદા-વ્યવસ્થાની સ્થિતિ કથળી

સુરતમાં ખુલ્લેઆમ ધોળા દિવસે આ રીતે ટ્રક ડ્રાઇવરનું અપહરણ કરાયાના દ્રશ્યો જોતા એવું લાગી રહ્યું છે કે, જાણે ગુજરાતમાં પણ હવે બિહાર જેવી સ્થિતિ સર્જાઇ હોય. ગુજરાતમાં પણ અમાનવીય દ્રશ્યો જોવા મળી રહ્યાં છે. ગુજરાતમાં જાણે કે કાયદા-વ્યવસ્થાની સ્થિતિ કથળી હોય તેવી લાગી રહ્યું છે.

બીજી બાજુ આજે એક પોલીસ કોન્સ્ટેબલ પર પણ હુમલો કરાયો

બીજી બાજુ આજે સુરતમાં ખુલ્લેઆમ પોલીસ કોન્સ્ટેબલ પર હુમલો કર્યાની પણ ઘટના સામે આવી છે. જેના CCTV ફૂટેજ પણ સામે આવ્યા છે. લિંબાયતના ભાવિન સોલંકી નામના પોલીસકર્મી પર હુમલો થયાની ઘટના સામે આવી છે. જેમાં બે શખ્સના ઝઘડાને શાંત કરાવવા પોલીસકર્મી વચ્ચે પડ્યો હતો. જો કે, લિંબાયત પોલીસે ફરજ પર રૂકાવટનો ગુનો નોંધી આ મામલે આગળની કાર્યવાહી હાથ ધરી છે. શહેરના શાંતિનગર નજીક ગણેશ સૂર્યવંશી અને દીપક કોળી નામના શખ્સો વચ્ચે બબાલ થઇ હતી. જેમાં પોલીસકર્મી વચ્ચે પડતા પોલીસકર્મી પર જ હુમલો કરવામાં આવ્યો.