સુરતમાં પતિથી અલગ બે બાળકો સાથે રહેતી મહિલા TRBને અન્ય TRB જવાન સાથે થયેલા પ્રેમનો અંજામ મોત સુધી પહોંચ્યો
સુરતમાં મહિલા TRBની હત્યાનો મામલો
પ્રેમ પ્રકરણમાં મહિલા TRBની હત્યા
પ્રેમી TRB જવાન રાહુલે જ પ્રેમિકાની કરી હત્યા
સુરતમાં મહિલા TRBની હત્યાના મામલે નવો વળાંક સામે આવ્યો છે. મહિલા TRBની હત્યા પ્રેમ પ્રકરણમાં થઈ હોવાનું સામે આવ્યું છે. મહિલા TRBના પ્રેમી TRB જવાન રાહુલે મહારાષ્ટ્રના ધુલિયા ખાતે લઈ જઈ યુવતીને બ્રિજ પરથી નદીમાં ફેંકી દીધી હતી.
બાદમાં કોરોનાના કારણે ધુલિયામાં અજાણ્યા મૃતદેહ તરીકે દફનવિધિ કરી હોવાનું જાણવા મળેલ છે. બાદમાં મૃતકની દાદી સમક્ષ પ્રેમીએ હત્યાની કબુલાત કરી હતી. ઉલ્લેખનિય છે કે, લગ્નના મુદ્દે મહિલાના ટોર્ચરિંગથી કંટાળી જતા તેના પ્રેમીએ પ્રેમિકાની હત્યા કરી હોવાની માહિતી સામે આવી હતી. બાદમાં TRB જવાને સુરત આવી આપઘાતનો પ્રયાસ પણ કર્યો હતો.
સુરતમાં TRB જવાન અને સુરતના સયૈદપુરા વિસ્તારમાં રહેતી તેની પ્રેમિકાની કહાનીએ ચકચાર મચાવી છે. બને પ્રેમિ જોડા TRB જવાન તરીકે ફરજ બજાવતા હતા. મહિલા TRB જવાન પતિથી અલગ રહેતી હતી. મહિલાને બે સંતાનો પણ હતા. અને અન્ય TRB જવાન રાહુલ સાથે પ્રેમમાં હતી. લાંબા સમયથી બંને એક બીજાના પ્રેમમાં હતા. પરંતુ મહિલા TRB જવાન લગ્ન માટે વારંવાર દબાણ કરતી હતી. આ વાતને લઈને TRB જવાન કંટાળી ગયો. અને પ્રેમિકાની મોતનો કારસો ઘડી નાખ્યો હતો.