શરમ કરો / 'ઓ ભાઈ ક્યાં ભાગો છો...', સુરતમાં તોડબાજીનો પર્દાફાશ, જાગૃત નાગરિકના વીડિયોએ હડકંપ મચાવ્યો

• સુરતમાં TRB જવાનનો વીડિયો વાયરલ
• TRB જવાન ઉઘરાવી રહ્યો છે પૈસા
• સામાન્ય વ્યક્તિ તોડબાજથી છે પરેશાન

રાજ્યમાં છેડતી, લુંટ, ચોરી, મર્ડર, અપહરણ, બળાત્કારના ગુનાઓ વધી રહ્યા છે. આરોપીઓને જાણે પોલીસનો સહેજ ડર ના હોય તેવી રીતે સરજાહેરમાં ગુનાને અંજામ આપે છે. ત્યારે મહિસાગર, અમદાવાદ બાદ આજે સુરતના તોડબાજ TRBનો વીડિયો વાયરલ થયો છે.

સુરતના જાગૃત નાગરિક જયેશ ગુર્જરે એક એવો વીડિયો બનાવ્યો છે જ્યારબાદ સુરત પોલીસ તંત્રમાં હડકંપ મચ્યો છે. સુરતમાં જહાંગીરપુરામાં ખાનગી ડ્રેસમાં TRB જવાન તોડ કરતો હોવાની ફરિયાદ કરવામાં આવી છે.  ખાખી વર્ધીમાં પોલીસકર્મી દૂર ઉભા રહે છે અને TRB તોડ કરે છે. આ TRB જવાનનો વીડિયો બનાવી સો.મીડિયામાં વાયરલ થયો છે. તોડબાજી કરતા હોવાના કારણે અનેક લોકો પરેશાન છે.

કેવી રીતે તોડબાજીને આપે છે અંજામ ?
પોલીસ જવાન અને TRBની મિલિભગત ઉજાગર કરનારા જાગૃત નાગરિક જયેશ ગુર્જરે VTV સાથે ખાસ વાતચીત કરી હતી. જેમાં તેઓ જણાવી રહ્યા છે કે, આવી રીતે તોડબાજી છેલ્લા 3,4 મહિનાથી સુરત શહેરમાં ચાલી રહી છે. એવી જગ્યાએ તોડબાજી હોય છે જ્યાં આસપાસમાં અવરજવર ન થતી હોય, પોલીસ કર્મચારીની ઓફ ડ્યૂટી હોય, સસ્પેન્ડ પોલીસ કર્મચારી હોય, જ્યાં સીસીટીવી ન લાગેલા હોય અને જમાદારો ભેગા થઇને તોડબાજીને અંજામ આપતા હોય છે. આ લોકો ગરીબ રીક્ષા અને ટેમ્પા ચાલકોને પકડે છે અને 500થી લઇને 5000 સુધીનો દંડ વસૂલે છે. તેઓ ઉપરી અધિકારીઓની સાઇનવાળી 3-3 પાવતી બુક સાથે રાખે છે. ગરીબ લોકોને ડરાવે, ધમકાવે છે. 3-3 કીમી પાછળ જઇને પકડીને દંડ કરે છે. 

તોડબાજીને રંગેહાથ પકડતા સમયે શું બની ઘટના ?
જાગૃત નાગરિકે તોડબાજીને રંગે હાથ પકડી હતી. આ અંગે તેમણે જણાવ્યું કે, હું ત્યાં ગયો ત્યારે રંગીન કપડામાં એક વ્યક્તિ હતો, તે વીડિયો મારી પાસે રાખ્યો છે. મેં તેને પૂછ્યું, તો તેમણે કહ્યું કે હું રાંદેલ પોલીસ સ્ટેશનમાં છું. તો મેં કહ્યું કે, પોલીસ સ્ટેશનમાં ફોન લગાવું છું, આટલું સાંભળતા જ તેઓ ભાગવા લાગ્યા હતા. એક તરફ તોડબાજ ટીઆરબીના દ્રશ્યો સામે આવ્યા છે. તો અમદાવાદમાં અને મહિસાગરમાં પણ આવા બનાવ સામો આવ્યો હતો. 

• શું વાયરલ વીડિયોમાં જોવા મળતા પોલીસકર્મીઓ સામે તપાસ થશે?
• શું TRB જવાનો મારફતે ઉઘરાણી કરવામાં આવી રહી છે?
• પોલીસકર્મીઓનો હાથો બની રહ્યા છે TRB જવાન?
• સુરત પોલીસના ઉચ્ચ અધિકારીઓ આ મામલે મૌન કેમ છે?

અમદાવાદના પોલીસકર્મીઓનો વીડિયો થયો હતો વાયરલ 
અમદાવાદના સેટેલાઈટમાં પોલીસ પર ભ્રષ્ટાચારના આક્ષેપો લાગ્યો હતો. પોલીસ સ્ટેશનના પોલીસકર્મીઓનો વીડિયો વાયરલ થયો હતો. જેમાં યુનિફોર્મ વગર પોલીસ કર્મીઓ ટ્રકચાલક પાસે તોડ કરી રહ્યા છે. ધરણીધર પુલ ઉતરતા માણેકબાગ ચાર રસ્તા પાસેનો વીડિયો વાયરલ થયો છે. રેતી ભરેલા ટ્રક ચાલકનો તોડ કરવાનો પ્રયાસ કર્યો છે. વીડિયો વાયરલ થતા ઉચ્ચ પોલીસકર્મીઓએ તપાસ શરૂ કરી છે.

ટ્રાફિક પોલીસ રોકે ત્યારે શું કરશો ?