દારૂની હેરફેર કરતો TRB જવાન 288 વિદેશી દારૂની બોટલ સાથે ઝડપાયો

સુરતના વરાછા પોલીસે TRB જવાનને દારૂની હેરફેર કરવાના ગુનામાં ઝડપ્યો છે. દમણથી કારમાં દારૂનો જથ્થો લઈ આવતા TRB જવાન સહિત 3 આરોપીને પોલીસે ઝડપી પાડયા છે. 

પ્રાપ્ત માહિત મુજબ સાગર પ્રજાપતિ નામનો વ્યક્તિ છેલ્લા 2 વર્ષથી સુરતમાં TRB જવાન તરીકે ફરજ બજાવે છે. આ જવાન તેના બે મિત્રો સાથે વિદેશી દારૂની બોટલો ભરી દમણથી સુરત આવતા હતા ત્યારે પોલીસને મળેલી બાતમીને આધારે વરાછા વિસ્તારમાંથી ઝડપી લેવામાં આવ્યા હતા. 

પોલીસે જ્યારે કારની તપાસ કરી ત્યારે આરોપીની કારમાંથી 288 દારૂની બોટલ ઝડપાઈ હતી. પોલીસે સમગ્ર મુદ્દામાલ અને કાર કબજે લઈ વધુ તપાસ હાથ ધરી છે. હાલ પોલીસે ઝડપાયેલો દારૂનો જથ્થો કોને આપવાનો હતો ? તે દિશામાં તપાસ કરી રહી છે.

<iframe width="640" height="360" src="https://www.youtube.com/embed/n4DvrTEafL4" frameborder="0" allowfullscreen></iframe>