રાજ્યમાં ટ્રાફિકને લઇને અવેરનેસને લઇને ઘણી વખત પોલીસ દ્વારા નવતર પ્રયોગ કરવામાં આવતા હોય છે. જેને લઇને હવે સુરત ટ્રાફિક પોલીસ દ્વારા કલાકારોની મદદ લઇને ટ્રાફિક નિયમન માટે શોર્ટ ફિલ્મ બનાવામાં આવશે.
સુરત ટ્રાફિક પોલીસનો અવેરનેસને લઈને નવતર પ્રયોગ
કલાકારોની મદદ લઈને શોર્ટ ફિલ્મ બનાવવામાં આવશે
વિદ્યાર્થીઓ માટે ચિત્રકામ સ્પર્ધાનું કરાશે આયોજન
ટ્રાફિક પોલીસ અવેરનેસને લઇને નવતર પ્રયોગ કરી રહી છે. જેમાં કલાકારોની મદદ લેવામાં આવશે. હાલમાં રોડ પર વધી રહેલા અકસ્માતને ધ્યાનમાં લઇને પોલીસ દ્વારા અવેરનેસ પર શોર્ટ ફિલ્મ બનાવવામાં આવશે. જેમાં કલાકોરોની મદદ લઇને પ્રજા સુધી અવેરનેસનો સંદેશો પાઠવવામાં આવશે.
સુરત ટ્રાફિક પોલીસ દ્વારા શોર્ટ ફિલ્મ માટે પ્રતિયોગિતાનું પણ આયોજન કરાશે. આ પ્રતિયોગિતામાં પ્રથમ ત્રણને રોકડ અને ટ્રોફી આપવામાં આવશે.
જ્યારે વિજેતા શોર્ટ ફિલ્મને પોતાના પ્લેટફોર્મથી લોન્ચ કરશે. જો કે પોલીસ અવેરનેસને લઇને લોકોમાં જાગૃતિ લાવવા માટે વિદ્યાર્થીઓ માટે ચિત્રકામ સ્પર્ધાનું આયોજન હાથ ધરવાનું વિચારી રહી છે. જ્યારે યોગ્ય મેસેજ સાથે લોકોને મુવી પણ બતાવવામાં આવશે.