રાજ્યભરમાં ટ્રાફિકનો ભંગ કરતાં વિદ્યાર્થીઓના વાલીઓને પોલીસ દ્વારા જાગૃત કરવામાં આવી રહ્યા છે. ત્યારે હવે સુરતમાં ટ્રાફિક પોલીસ શાળાના સંચાલકો અને વાલીઓ વચ્ચે બેઠક થશે. આ બેઠકમાં શાળાના સંચાલકો અને વાલીઓને પોલીસ દ્વારા માર્ગદર્શન આપવામાં આવશે. આ બેઠક બાદ ટ્રાફિકના નિયમનો ભંગ કરનાર સામે કડક કાર્યવાહી પણ કરાશે.
સુરત ટ્રાફિક પોલીસની શાળા સંચાલક-વાલીઓ સાથે બેઠક
સુરત ટ્રાફિક પોલીસે આપી બે દિવસની છૂટ
સગીર વાહન ચલાવતા પકડાશે તો ગુનો કરાશે દાખલ
સુરતમાં ટ્રાફિક પોલીસ દ્વારા બે દિવસની અપાઇ છૂટ
સુરત ખાતે મળનારી ટ્રાફિક પોલીસ અને શાળાના સંચાલકો તેમજ વાલીઓ સાથે બેઠક બાદ ટ્રાફિકના નિયમનો ભંગ કરનારા સામે કડક કાર્યવાહી કરવામાં આવશે તેવું જણાવામાં આવ્યું છે. સુરત ખાતે ટ્રાફિક પોલીસ દ્વારા આ અંગે બે દિવસની છૂટ આપવામાં આવી છે. બુધવારથી શહેરમાં ટ્રાફિક પોલીસ દ્વારા વાલીઓ અને શાળાના સંચાલકો સામે કાર્યવાહી કરાશે.
સુરતમાં બે દિવસ બાદ ટ્રાફિક ડ્રાઇવ
સુરત શહેરમાં ટ્રાફિક પોલીસ બુધવારથી ટ્રાફિક ડ્રાઇવ હાથ ધરશે. જેમાં શાળા બહાર પાર્ક કરવામાં આવેલા વાહનોને ટ્રાફિક પોલીસ દ્વારા ટોઈંગ કરાશે. આ સાથે જ સ્કૂલવાન-રિક્ષા ચાલકો સામે પણ કાર્યવાહીની તૈયારી કરવામાં આવી છે. પોલીસની ડ્રાઈવ દરમિયાન સગીર વાહન ચલાવતા પકડાશે તો ગુનો દાખલ કરીને માતા-પિતા સામે કાર્યવાહી કરાશે.