વચેટિયાઓનું રાજ! / VIDEO: હપ્તા ઉઘરાવવા સુરત પોલીસે બનાવ્યું ટોલનાકુ! APMCમાં આવનારા વાહનનો 50, 100 અને 200 ભાવ

• સુરતમાં પોલીસના વચેટિયાઓનું રાજ!
• પોલીસના વચેટિયાઓ ઉઘરાવે છે હપ્તા !
• APMCમાં આવનારા ટ્રક પાસેથી લેવાય છે હપ્તા !

ગુજરાતમાં એકય વિસ્તાર બાકી નથી રહ્યો કે જ્યાં ભ્રષ્ટાચાર ન થયો હોય. સરકારી વિભાગમાં લાંચ અને ભ્રષ્ટાચાર લૂણાની માફક પેસી ગયો છે. ત્યારે હવે પોલીસ વિભાગ પર સવાલોનો મારો શરૂ થયો છે. કારણ કે સુરત ટ્રાફિક પોલીસનો હપ્તાખોરીનો વિડીયો વાયરલ થયો છે. સુરતના એક વકીલ સહારા દરવાજા વિસ્તારના કેટલાક પોલીસ કર્મચારીઓનો હપ્તા ઉઘરાવતો વીડિયો વાયરલ કર્યો છે.

પોલીસને પૂછવામાં આવતા વ્યક્તિને ઓળખતા ન હોવાનો રાગ આલાપ્યો હતો. પોલીસના વચેટીયા વાહન ચાલકો પાસેથી હપ્તા ઉઘરાવે છે. સવારે 5 થી 7 વાગ્યાની વચ્ચે અને રાતે પોલીસના વચેટિયાઓ હપ્તા ઉઘરાવે છે. યુનિફોર્મ વિના પોલીસના વચેટિયાના નામે હપ્તા ઉઘરાવાતા હોવાનો આરોપ. APMCમાં શાકભાજી લેવા આવનાર ટેમ્પો અને ટ્રકચાલકો પાસેથી લેવાય છે હપ્તા. રૂપિયા 50,100 અને 200 રૂપિયાનો હપ્તો વસૂલાય રહ્યો છે. દર શનિવારે વચેટીયાઓ હપ્તો લઈ રહ્યા હોવાનો વીડિયોથી ખુલાસો થયો. એક વકીલે પોલીસના વચેટીયાઓ દ્વારા ચલાવાતી લૂંટને કેમેરામાં કેદ કરી.