સોશિયલ છેતરપિંડી / સુરતના વેપારીને 14 લાખમાં પડ્યા કાજુ, જો જો તમે પણ આવી જાહેરાતમાં ન આવી જતા

• સુરતમાં વેપારી સાથે લાખોની છેતરપિંડી
• સસ્તા ભાવે કાજુ આપવાના બહાને ઠગાઇ
• વેપારીએ સાઈબર સેલમાં છેતરપિંડીની ફરિયાદ નોંધાવી

ગુજરાતમાં છેલ્લા ઘણા સમયથી લોભામણી લાલચો આપી છેતરપિંડીની ઘટનામાં વધારો થયો છે. સુરતમાં લેભાગુ તત્વો ઝડપથી રૂપિયા કમાવવા અનેક પેંતરા અજમાવતા હોય છે..ત્યારે સુરતમાં વેપારી સાથે લાખોની છેતરપિંડી થઇ.. સસ્તા ભાવે કાજુ આપવાના બહાને વાપરી સાથે છેતરપિંડી કરી.. અમદાવાદના શખ્સે 14 લાખથી વધુ રકમ વેપારી પાસેથી લીધી.. વેપારીએ સાઈબર સેલમાં છેતરપિંડીની ફરિયાદ નોંધાવી છે. સાયબર ક્રાઇમે અમદાવાદના શખ્સની ધરપકડ કરી આરોપીઓની પૂછપરછ હાથ ધરી.

કેવી રીતે પ્લાન બનાવી વેપારીને છેતર્યો?
સોશીયલ મીડીયાના પ્લેટફોર્મ પર ડ્રાયફુટ વેચવાની જાહેરાત મુકી સુરતના વ્યક્તિને વિશ્વાસમાં લઇ તેની પાસેથી ઓર્ડર પેટે એડવાન્સમાં 14,58,490 રૂપિયા લઈને માલ ન આપનાર અમદાવાદના ઇસમની સુરત સાયબર સેલની પોલીસે ધરપકડ કરી છે.  તારીખ 27/06/21 થી તારીખ 10/08/21 દરમિયાન અમદાવાદના એક ઇસમે સોશિયલ મીડિય પર  કાજુના ટુકડાનું વેચાણ સસ્તા ભાવે વેચાણ કરવાની પોસ્ટ મૂકી હતી. તેથી સુરતના એક વેપારી દ્વારા આ વ્યક્તિનો સંપર્ક કરવામાં આવ્યો હતો ત્યારે અમદાવાદના ઈસમને પોતાની સુધીર તરીકેની ખોટી ઓળખાણ આપી ફરીયાદીને કાજુ કાજુના ટુકડા માર્કેટ ભાવ કરતા ઓછા ભાવમાં આપવાની લોભામણી વાતો કરી હતી. 

બેન્કમાં કટકે કટકે રૂપિયા મગાવ્યાં
તેથી વેપારીએ સૌપ્રથમ કાજુના સેમ્પલ મંગાવ્યા હતા અને અમદાવાદના ઈસમને કાજુના સેમ્પલ આપ્યા હતા અને આ સેમ્પલ વેપારીને ગમતા તેને 3,540 કીલો કાજુનો ઓર્ડર આપ્યો અને તે ઓર્ડર પેટે વેપારીએ ટુકડે ટુકડે કુલ 14,58,490 રૂપિયા રામદેવ ડ્રાયફ્રુટના નામના ICICI બેંકના એકાઉન્ટમાંથી ક્રિષ્ના એન્ટરપ્રાઇઝના એક્સીસ બેંકના એકાઉન્ટમાં ટ્રાન્સફર કર્યા હતા. વેપારી પાસેથી પૈસા લઈ લીધા બાદ અમદાવાદના ઇસમે કાજુની ડીલેવરી આપી ન હતી. આ ઈસમ ખોટી ખોટી તારીખો આપીને વેપારીને વાયદા કરતો હતો અંતે વેપારીને પોતે છેતરાયો હોવાની જાણ થતાં તેમને સાઇબર ક્રાઇમમાં ફરિયાદ આપી હતી.  

આરોપીની ધરપકડ કરી પૂછપરછ શરૂ કરાઇ
તેથી સાયબર ક્રાઇમ દ્વારા સમગ્ર મામલે છેતરપિંડીનો ગુનો નોંધીને ગુનાની ટેકનીકલ સર્વેલન્સ આધારે તપાસ હાથ ધરવામાં આવી હતી. ત્યારબાદ પોલીસે વેપારી સાથે છેતરપિંડી કરનારા અમદાવાદના દીપેશ મકવાણા નામના ઇસમની ધરપકડ કરી છે દીપેશ અમદાવાદમાં સત્યમેવ વિસ્ટા માં રહે છે. સાયબર સેલે દીપેશની ધરપકડ કરીને સમગ્ર મામલે તપાસ શરૂ કરી છે કે, આ છેતરપિંડીમાં તેની સાથે અન્ય કોઈ વ્યક્તિને સંડોવણી છે કે નહીં.