સુરત: શાળાનો મેઈન ગેટ ધરાશાયી થતાં ત્રણ બાળકો નીચે દબાયા

સુરતના વેડ રોડ વિસ્તારમાં આવેલી પ્રાથમિક શાળાની મોટી બેદરકારી સામે આવી છે. શાળામાં આવેલો મેઈન ગેટ ધરાશાયી થઈ જતાં ત્રણ જેટલા બાળકો ગેટ નીચે દટાઈ ગયા હતા. આ ત્રણેય બાળકને કાઢીને સારવાર અર્થે હોસ્પિટલ ખસેડવામાં આવ્યા છે.

આ સમગ્ર દુર્ઘટનાના CCTV ફૂટેજ સામે આવ્યા છે. CCTVમાં આપ જોઈ શકો છો. કે ગેટ પાસે કેટલાક બાળકો ઉભા છે. અને એક બાળક ગેટ ખોલવાનો પ્રયાસ કરી રહ્યો છે. તે સમયે જ લોખંડનો ગેટ ધરાશાયી થઈ જાય છે. જેમાં એક યુવકને ગેટનો ધક્કો વાગતા દુર જઈને પડે છે.

જ્યારે એક યુવકનો પગ ગેટ નીચે દટાઈ ગયો. આ ઉપરાંત એક યુવક ગેટ નીચે જ દટાઈ ગયો છે. જોકે આ સમગ્ર ઘટના જોતા સ્કૂલની બેદરકારી સામે આવી છે. શું ગેટ પહેલાથી જ જર્જરીત હતો? ગેટ જર્જરીત હતો તો તેને રિપેર કેમ ન કરવામાં આવ્યો? શું શાળા દ્વારા કોઈ દુર્ઘટનાની રાહ જોવામાં આવી રહી હતી? અહીં આવા અનેક સવાલો ઉભા થાય છે.