સુરતઃ શહેરનાં બારડોલી વિસ્તારમાં 14 વર્ષીય સગીરા પર દુષ્કર્મ આચરવાનાં કેસમાં 3 આરોપીનાં 2 દિવસનાં રિમાન્ડ મંજૂર કરવામાં આવ્યાં છે. મહત્વનું છે કે બારડોલી પોલીસે 3 આરોપીની ધરપકડ કરી હ તી અને કોર્ટમાં રિમાન્ડ માટે તેઓને રજૂ પણ કર્યા હતાં. જે મામલે કોર્ટે ત્રણેય આરોપીને બે દિવસનાં રિમાન્ડ પર મોકલી આપ્યાં છે.
આ રેપ કેસમાં અન્ય કેટલાં આરોપીઓની સંડોવણી છે તે મુદ્દે પોલીસ વધુ પૂછપરછ હાથ ધરશે. મહત્વનું છે કે બારડોલીનાં મદીના માર્કેટમાં 14 વર્ષીય સગીરા પર ગેંગરેપ આચરવામાં આવ્યો હતો. ઉલ્લેખનીય છે કે સુરતનાં બારડોલીમાં સગીરાનું 3 જેટલાં નરાધમોએ અપહરણ કર્યું હતું.
તે સગીરાને રાતભર ગોંધી રાખીને તેને ગેંગરેપનો શિકાર બનાવી હતી. બાદમાં બીજે દિવસે સવારે તેને છોડી મૂકી હતી. જો કે આ સગીરા નરાધમોની પક્કડમાંથી છૂટીને જેમ તેમ કરીને તે ઘરે પહોંચી હતી. જો કે આ ઘટના અંગે પિતાને જાણ થતાં તેઓએ પોલીસ સ્ટેશનમાં ફરિયાદ નોંધાવી હતી.
મહત્વનું છે કે સગીરા પર ગેંગરેપ થયો હોવાની જાણ થતાં જ પોલીસ તુરંત હરકતમાં આવી ગઇ હતી. બાદમાં સગીરાને મેડિકલ ચેકઅપ માટે હોસ્પિટલ ખાતે મોકલી દેવાઇ હતી. આરોપીઓને ઝડપી લેવા પોલીસે ચક્રો ગતિમાન કર્યા બાદ ગણતરીનાં જ કલાકોમાં ત્રણેય આરોપીઓની પોલીસે ધરપકડ કરીને તેઓને જેલ પાછળ ધકેલી દીધાં હતાં.