દેશભરમાં 15 ઓગસ્ટના દિવસે સ્વતંત્રતા દિવસે ઉજવણી કરવામાં આવે છે. આ દિવસે સુરતમાં કાપડના વેપારીઓ દ્વારા મળીને અનોખી રીતે સ્વતંત્રતા દિવસની ઉજવણી કરવામાં આવશે.
સુરતની કાપડની મિલો દ્વારા ગુજરાતનો સૌથી મોટો રાષ્ટ્રધ્વજ બનાવીને ઉજવણી કરવામાં આવશે. આ દિવસે 100થી વધુ સંસ્થાઓ દ્વારા મળીને ઉજવણી કરવામાં આવશે.
સાથે જ 1 કિલોમીટર લાંબો અને 10 ફૂટ પહોળો રાષ્ટ્રધ્વજ લઈને લાંબી રેલી પણ નિકળશે. આ કાર્યક્રમમાં 2 હજારથી વધુ લોકો જોડાશે.
રાષ્ટ્રધ્વજ બનાવવા માટે 5 હજાર મીટર સાતીન કાપડનો ઉપયોગ કરવામાં આવ્યો છે. આ રાષ્ટ્રધ્વજ 12 દિવસના સમયમાં 200થી વધુ કારીગરો દ્વારા બનાવવામાં આવી રહ્યો છે.