મંદી / રાજ્યમાં હિરા ઉદ્યોગ મંદીની ઝપેટમાં, CMના ઉઝબેકિસ્તાનના પ્રયાસ ન આવ્યા કામ..!

• સુરતમાં દિવાળી વેકશન બાદ પણ હીરા ઉદ્યોગમાં મંદી
• 90 ટકા જેટલા કારખાનદારો પાસે નથી કામ 
• રત્નકલાકારોને સાચવવા વેપારીઓના પૂરતા પ્રયાસ 

 સુરતમાં દિવાળી વેકશન બાદ પણ હીરા ઉદ્યોગમાં મંદી જોવા મળી રહી છે. સુરતમાં 90 ટકા જેટલા કારખાનેદારો પાસે કામ જ નથી. રત્નકલાકારોને સાચવવા વેપારીઓ પૂરતા પ્રયાસ કરી રહ્યાં છે. પરંતુ રફનો સ્ટોક ઓછો આવતા કામકાજ ઠંડુ પડ્યુ છે.

રફ ડાયમંડની ઊંચી કિંમતોને કારણે ખરીદી ઓછી થઇ છે.  વૈશ્વિક માંગ ઓછી હોવાના કારણે હવે પેલિશ્ડ હીરાની લે-વેચ પણ ઘટી છે. જેને લઇ કારખાનેદારોની હાલત કફોડી બની છે. ત્યારે રફ ડાયમંડની કિંમત અને વૈશ્વિક લે-વેચ શરૂ થશે તો જ વ્યાપાર સુધરશે.

મુખ્યમંત્રી વિજય રૂપાણીએ ઉઝબેકિસ્તાન ખાતે જ્વેલરી મેન્યુફેકચર્સોએ સાથે બેઠક કરી હતી. જેમાં B2B મિટિંગ કરીને જવેલરી માટે હીરાની માગ કરાઇ હતી. જેમાં સુરતના ઉદ્યોગકારોને 3 મહિનાની ઉધારીમાં હીરા પુરા પાડશે. જેના કારણે સીએમની મુલાકાત બાદ એવુ જણાવામાં આવ્યું હતું કે હવે સુરત હીરા ઉદ્યોગને એક નવુ બજાર મળશે.