અરેરાટી / સુરતના માંડવી નજીક મોટી હોનારત: આમલી ડેમમાં હોડી પલટી, 10 લોકો હતા સવાર, મળ્યા 2 મૃતદેહ

• સુરતના માંડવીના આમલી ડેમમાં બોટ પલટી
• બોટ પલટતા 10 લોકો ડૂબ્યા
• ડૂબેલા 10 લોકોમાંથી 2 લોકોના મૃતદેહ મળ્યા
• સ્થાનિકો દ્વારા 1 વ્યક્તિને બચાવી લેવાઈ

અત્યાર સુધી બે લોકોના મૃતદેહ મળી આવ્યા છે તો હજૂ પાંચ લોકોની શોધખોળ ચાલી રહી છે. નાવ પલટવાને પગલે બેઠેલા તમામ ચીસાચીસ કરી ઉઠતા આસપાસના વિસ્તારમાં રહેલા લોકો ઘટના સ્થળે દોડી આવ્યા હતા અને યુદ્ધના ધોરણે બચાવ કામગીરી હાથ ધરી હતી. જેને પગલે 1 વ્યક્તિને બચાવી લેવામાં આવ્યો છે. 

7 લોકોની શોધખોળ હજી ચાલુ

ઉલ્લેખનીય છે કે, બનાવને પગલે માંડવી પોલીસ અને ફાયર વિભાગની ટીમ પણ તાત્કાલિક અસરથી ઘટનાસ્થળે દોડી આવી હતી અને ડેમમાં શોધખોળ શરૂ કરવામાં આવી હતી. હાલ 7ની શોધખોળ હાલ ચાલી રહી છે.   

કેવી રીતે બની સમગ્ર ઘટના 

હોડીમાં બેસી ઘાસ કાપવા જઈ રહ્યા ત્યારે આ ધટના બની હતી હાલ તો માંડવી પોલીસ અને ફાયર વિભાગે ઘટનામાં ડુબેલા પાંચ લોકોની શોધખોળ હાથ ધરી છે. 

મૃત્યુ પામેલા લોકોના નામની વિગત 

1. દેવનીબેન વસાવા
2. ગીમલીબેન વસાવા