મંદી / સુરત ટેક્ષટાઈલ ઉદ્યોગમાં મહામંદીના ઓળા- લગ્નસરામાં બજાર ખુલે તો ઠીક નહીં તો કરોડોનું નુકસાન

• ગત વર્ષની સરખામણીએ વેપાર ઘટ્યો
• ફિનિશ્ડ ફેબ્રિક્સના વેપારમાં રૂ.1350 કરોડનો ઘટાડો
• લગ્ન સિઝનમાં પણ ગ્રાહકોની રાહ જોતા વેપારીઓ

સુરતના કાપડ બજારને ગ્રહણ લાગ્યુ છે. લાખો લોકોને રોજી આપનાર આ ઉદ્યોગમાં મહા મંદીનો માહૌલ જોવા મળી રહ્યો છે. લાખો લોકો સંકળાયેલ ટેક્ષટાઈલ ઉદ્યોગની અવદશાને પગલે લાખો લોકો બેકાર બન્યા છે અથવા તો તેમની આવકમાં ઘટાડો થયો છે. હાલ તો લગ્નસરાની રાહ જોવાઈ રહી છે. લગ્નમાં બજાર ઉઘડશે એવી એક આશા સેવાઈ રહી છે. 

ગયા કરતા આ વર્ષે વેપારમાં 1300 કરોડથી વધુનો ઘટાડો

સુરતમાં કાપડ માર્કેટમાં મંદીનો માહોલ યથાવત્ છે. ગત વર્ષની સરખામણીએ આ વર્ષે વેપારમાં ઘટાડો થયો છે. રેડીમેડના વેપારમાં 1350 કરોડનો ઘટાડો થયો છે. 

ડિસેમ્બર અને જાન્યુઆરીમાં આવશે લગ્નસરાની મોસમ

લગ્ન સીઝનમાં પણ ગ્રાહકોની વેપારીઓ રાહ જોઈ રહ્યા છે. પરપ્રાંત રવાના થતી ટ્રાન્સપોર્ટનીસંખ્યામાં 50 ટકાનો ઘટાડો થયો છે. ચાલુ વર્ષે દરરોજ માત્ર 150 ગાડીઓ રવાના થઈ રહી છે. લગ્નસરા અને પોંગલની ખરાદીની વેપારીઓ આશા રાખી છે.