VIDEO: અસમાન વેતનના કારણે સુરતના શિક્ષકોએ સરકારને પત્ર લખી કર્યો વિરોધ

સુરત: રાજ્યમાં ગ્રાન્ટેડ શાળાના શિક્ષકો અને સરકારી શિક્ષકોનું સમાન કામ સમાન લાયકાત હોવા છતાં શિક્ષકોના પગારમાં અસમાનતા રાખવામાં આવી રહી છે. ત્યારે હવે સુરતમાં શૈક્ષણિક સંઘ સંકલન સમિતિએ પોતાની માગણીઓ અંગે મુખ્યમંત્રી વિજય રૂપાણી નાયબ મુખ્યમંત્રી નીતિન પટેલ અને બન્ને નેતાઓની પત્નીઓને પત્ર લખ્યો છે.

જિલ્લામાં 1000થી વધુ શિક્ષકોએ પત્ર લખીને મોકલ્યો છે. આ અભિયાનમાં આગામી દિવસોમાં રાજ્યના 7000 શિક્ષકો જોડાશે અને અસમાન વેતનનો વિરોધ કરશે.

મહત્વનું છે કે સરકારી શાળાઓના માધ્યમિક વિભાગના શિક્ષકને 31 340ની સામે ગ્રાન્ટેડ શાળા માધ્યમિક શિક્ષકને 25 હજાર અને ઉચ્ચતર માધ્યમિક શિક્ષકને 38090 રૂપિયાની સામે ગ્રાન્ટેડ શાળાના ઉચ્ચતર માધ્યમિક વિભાગના શિક્ષકને 26 હજાર રૂપિયા આપવામાં આવે છે. જેના કારણે શિક્ષકોએ પોતાની માગ સરકાર સુધી પહોંચાડવા માટે મુખ્યમંત્રી અને નાયબ મુખ્યમંત્રીને પત્ર લખ્યો છે.