સુરત તક્ષશિલા અગ્નિકાંડ મામલામાં દિવસેને દિવસે લોકોમાં આક્રોશ વધી રહ્યો છે ત્યારે આજે સુરતના કેટલાક જાગૃત લોકો દ્વારા વકીલોને એક આવેદનપત્ર આપીને તમામ આરોપીઓ નો કેસ સુરતના વકીલો નહીં લડે અને તેમને કડક માં કડક સજા થાય એવી માંગ કરી હતી વકીલો દ્વારા આવેદનપત્ર અને સ્વીકારીને હાલ પૂરતી કાર્યવાહી આગળ ધપાવવા માટેની હૈયા ધરપત આપવામાં આવી હતી.
સુરત તક્ષશિલા અગ્નિકાંડ મામલામાં 22 જેટલા બાળકોના મોત થયા છે ત્યારે સમગ્ર તપાસને સુરત ક્રાઇમ બ્રાન્ચને સોંપવામાં આવી છે. ક્રાઈમ બ્રાન્ચ દ્વારા અત્યાર સુધી આ મામલામાં નવ જેટલા આરોપીઓની ધરપકડ કરી લેવામાં આવી છે. ત્યારે સુરત ના કેટલાક જાગૃત નાગરિકો દ્વારા સુરત ડિસ્ટ્રિક્ટ કોર્ટના વકીલ મંડળને એક આવેદનપત્ર સોંપવામાં આવ્યું હતું. જેમાં આ બાવીસ બાળકોના મૃત્યુના કેસમાં જે કોઈપણ આરોપીઓ છે, આ આરોપીઓનો કેસ સુરતના વકીલો નહીં લડે અને આરોપીઓને કડકમાં કડક સજા થાય એવી માંગ કરવામાં આવી છે.
હાલ તો વકીલ મંડળે આ આવેદનપત્રનો સ્વીકાર કરી લીધો છે અને બાર એસોસિએશનની પ્રોસિજર મુજબ આ આવેદનપત્રને કમિટીમાં મૂક્યા બાદ મંજૂરી મળે તો અન્ય વકીલો સાથે ચર્ચા કરીને આવેદનપત્રની વાતોને ન્યાય મળે એ તરફ ધ્યાન આપવામાં આવશે. વકીલો દ્વારા આવેદનપત્ર સ્વીકારીને હાલ પૂરતી કાર્યવાહી આગળ ધપાવવા માટેની હૈયાધારણા આપવામાં આવી છે.
યુવકોએ પોતાના રક્તથી CM રૂપાણીને લખ્યો પત્ર
ગઇકાલે સુરતમાં તક્ષશિલા આગકાંડને લઈ અનોખો વિરોધ કરવામાં આવ્યો હતો. મૃતકોને ન્યાયની માગ સાથે યુવકો રસ્તા પર ઉતર્યા હતા. યુવકોએ પોતાના રક્તથી મુખ્યમંત્રી રૂપાણીને પત્ર લખ્યો હતો. મૃતક બાળકોને ન્યાયની માગ સાથે યુવકે પત્ર લખ્યો હતો. આ યુવકો મોઢે પટ્ટી બાંધીને, રક્તથી લખેલો પત્ર સાથે એકઠા થયા હતા.
વધુ ચારની ધરપકડ
મહત્વનું છે કે થોડા દિવસ અગાઉ આ મામલે વધુ 4 આરોપીઓની પોલીસે ધરપકડ કરી હતી. જેમાં સુરત મહાનગરપાલિકાના બે અધિકારી, એક બિલ્ડર અને એક DVGCLના એક અધિકારી ધરપકડ કરવામાં આવી હતી. બિલ્ડર રવિન્દ્ર કહારની ધરપકડ કરવામાં આવી હતી. તો SMCના અધિકારી પી.ડી મુનસી અને SMCના ઇજનેર જયેશ સોલંકી ધરપકડ કરવામાં આવી હતી. આ ઉપરાંત DGVCLના નાયબ ઇજનેર દિપક નાયકની ધરપકડ કરવામાં આવી હતી. જેણે ટ્યુશન ક્લાસીસમા ગેરકાયદેસર વીજ કનેક્શન આપ્યુ હતુ. પોલીસના જણાવ્યા પ્રમાણે બિલ્ડીંગમાં એસી છે જેની પરવાનગી લેવામાં આવી ન હતી. પ્લાન વિરુદ્ધ બાંધકામ હોવા છતાં સર્ટિફિકેટ ઓફ રેગ્યુલઈઝેશન ઇશ્યુ કરવામાં આવ્યું હતું.